LETS SEARCH OUR SOULS

وفاة يوسف شاهين

2008-07-27T17:40:00.003+03:00

بالرغم من توقفى عن التدوين لفتره طويله إلا إنى لم أستطع ألا أدون هذا الحدث

يمكنك قراءة السيناريو الكامل لفيلم باب الحديد هنا

مجدى علام بين المسيحية و الإسلام

2008-04-05T16:43:00.004+02:00

لم أكن أنوى الكتابة فى هذا الموضوع فلست من المهللين للمتأسلمين و لا من المصفقين للمستنصرين فحرية العقيدة مثل باقى الحريات محللة لأهل الغرب و محرمة على أهل الشرق
طالعت اليوم هذا المقال فى جريدة الشرق الأوسط للكاتب عطاء الله مهاجرانى و هو ما دفعنى للكتابة حيث قام الكاتب بعمل قصة سينمائية للربط بين مجدى علام و البابا بندكت و الحكومة الإمريكية و البت الإسرائيلية صاحبة علام فى قصة تصلح للتحول إلى مسلسل تليفزيونى طويل من بتوع رمضان كده
يرى الكاتب أن البابا أخطأ بتعميده علام و تعمده لإظهار العماد فى التليفزيون وذلك من باب المراعاة لمشاعر الإخوة المسلمين و لكنه نسى أن العماد تم فى قداس عيد القيامه و هو الحدث الذى تنقله معظم القنوات على الهواء و لم يقم البابا أو علام بإستدعاء كاميرات التليفزيون أو الصحافة لمشاهدة عماد علام كما نسى إنه لم يشاهد أياً منا مراسم العماد على القنوات الدينية المسيحية و لكن كان مشاهدتنا لها على القنوات الإخبارية فلا يوجد فى الحدث ما تم فعله ُبغية الإستفزاز و لكننا جميعاً صرنا مستفزين تلقائياً
أضحكنى جداً قول الكاتب :آلاف المسيحيين يعتنقون الإسلام كل عام و أحياناً ما يتحول القليل من المسلمين إلى المسيحية أيضاً
بالذمه مش جمله تضحك
!!

عطل تكنولوجى

2008-02-16T14:49:00.004+02:00

لأنى أخيراً نزلت مصر و قضيت فيها شهر كامل (30 يوم بالظبط) عملت فيه حاجات كتير كان نفسى أعملها و ملحقتش أعمل حاجات تانيه أكتر و لأن إستخراج الإعفاء النهائى من التجنيد إستغرق لوحده 3 أسابيع لإنهم عملوا نظام جديد للمراجعة بالكمبيوتر و ظن الجهال من الناس إن المراجعه بالكمبيوتر هتسرع الإجراءات لكن إزاى هو ده معقول يحصل مش لازم تسيب البلد و معاك ذكرى و لأنى ماكونتش بأتصل بالنت كتير و لإنى بدأت أعتمد على التكنولوجيا فتوقفت عن الكتابة على الأوراق و حولت كل ما كنت أكتبه إلى ملفات كمبيوتريه و لإن التكنولوجيا ليها عيوبها و الهارد اللى كان متخزن عليه كل حاجه رفض أن يعود إلى الخدمة مرة أخرى لأسباب مجهولة ففقدت كل ما كتبته طوال عام و نصف و لجميع ما سبق ماعنديش حاجه أقولها النهارده

حتى إشعارٍ آخر

2007-12-12T15:00:00.000+02:00

تتعجب من ثقتها الشديدة و إيمانها بكل ما تقول و بأنها صوت الله القادم إليك ليقرع باب قلبك و تطالبك بعدم تقسية
القلب و قبول كل ما تقوله لك و إعتباره حقيقه إيمانية إن لم تقبلها اليوم فلن تضمن تواجدها غداً تصر على التحدث معها حول شكوكك الإيمانية تخبرها بعدم جدوى التحدث فى هذا الموضوع لأنك لن تقبل بأى رأى بشرى بخصوص ذلك الموضوع فشكوكك لن يجيبها سواك أو بإشارة إلهيه تعلن لك ضلال تفكيرك و لكنها مازالت تصر على سماعك على أمل تغيير ما تفكر فيه تخبرها بأنك تدرس تلك الشكوك منذ ما يقرب من ثلاث سنوات لكنها لا تهتم معتقدة بأنها يمكنها تفنيد كل ذلك بمجرد كلمات لا تمثل لك شيئاً لأنك لا تحمل لتلك الكلمات ما تحمله هى من إيمان تذكرك تلك المحادثة بحديثك مع أحد الأصدقاء حين قال لك: إنت كويس بس محتاج تقعد تتكلم مع ربنا شويه تتعجب من رأيه و كيف أعطى لنفسه الحق ليحكم عليك حتى و إن كان هذا الحكم فى صالحك كم تكره أن يحكم على أفعالك أو أقوالك أحد تخبره بأن الله يعرف مكانك لو عايز يتكلم معاك هيعرف يلاقيك بس إنت متعرفش تروح فين عشان تكلمه
تخبرها بأنك تساندها و تساند فكرتها فقد سبق لك مساندة ذلك الشخص الذى أعلن عن إلحاده و مساندتك لذلك الشاب المنتمى للتيار الإسلامى رغم إختلافك التام مع معتقداته و مساندتك لعدم منع كتاب دان براون شفرة دافنشى رغم مهاجمته للمسيحية و حبك لقصة أولاد حارتنا رغم تلميحاتها لشذوذ المسيح شارب الخمر و زوج العاهرة و عدم إقتناعك بأحقية نجيب محفوظ لجائزة نوبل إلا بعد قراءة تلك القصة فكيف لا تساند فتاة تحمل فى قلبها كل هذا الإيمان لا تقبل هى بذلك و تؤكد إصرارها بأنك يجب أن تساند الله ولا تساندها هى تحاول إقناعها بقبول هذا الوضع مؤقتاً ترفض و تعطيك فرصة للتفكير تقنعها بتأجيل القرار حتى لقاءٍ آخر فمازالت هى تخاطب عقلك بينما تخبرها بأنك تحتاج إلى ما يلمس قلبك تؤكد لك إنك إذا أخذت القرار سيطاوعك قلبك و تسير وراءه عواطفك تقنعها بإكمال المحادثة فى مرة قادمة على أمل تغيير مسار الحديث رغم معرفتك بقدرتها العجيبة على إعادة مسار أى حديث تفتحه للكلام عن الله تذكرك فى ذلك بوالدك القادر على تحويل أى حديث للكلام عن الله حيث أنه يستطيع و بمنتهى السلاسة تحويل دفة الحديث عن الدعارة فى روسيا إلى الحديث عن الحكمة الإلهية و الإيمان غير المحدود بالمشيئة الإلهية حيث أن كل ما يحدث لا يحدث سوى بالمشيئة لا تؤمن كثيراً بهذا حيث إنه إن كان الوضع هكذا لكان من الواجب على المشيئة أن تنال كل الحساب فى الآخرة و تدخل الجنة أو النار دون أى ذنب لنا
تعترف بأن كل ما تحاول أن تفعله الآن بل و كل ما تستطيع أن تفعله هو تأجيل الحديث حول هذا الموضوع حتى إشعارٍ آخر

تأملات فى حياة آدم

2007-10-27T07:47:00.000+02:00

فى محاولة منه للقضاء على الأفكار الغريبة المتكونة فى رأسى نتيجة لكثرة قرائتى عن الحضارة البابلية و الأشورية و حضارات الشرق القديمة و المدونات المسمارية و أساطير الخلق. أهدانى أحد الأصدقاء كتاب تأملات فى حياة آدم تأليف القس داود لمعى إعتقاداً منه إنى سأجد في الكتاب ردود على بعض الأسئلة الدائرة برأسى.
أعترف بأن الكتاب يحتوى على بعض المعلومات العلمية القيمة حيث يأخذ الخط المشترك بين قصة الخلق التوراتية و تفسير العلم لكيفية حدوث الخلق و لكن فات صديقى أن هذا الكتاب يعتبر ذو قيمة عالية لشخص يقرأ عن سفر التكوين لأول مرة و لكنه يفقد قيمته بالنسبة لشخص قرأ كل التفاسير المتوفرة عن السفر فلم أجد فى الكتاب سوى بعض المعلومات التى قد تكون مفيدة لشخص لم يتجاوز عمرة 12 عام. بالإضافة إلى بعض التأملات التى أعتبرها شديدة المبالغة و تتعمد لى عنق الحقيقة للوصول إلى الهدف الذى لا يراه سوى الكاتب ففى بداية كتابه و شرحه للآية الأولى من سفر التكوين
فى البدء خلق الله السموات و الأرض (تك 1:1) يحاول الكاتب الربط بين تلك الآية و الآية الأولى فى إنجيل يوحنا فى البدء كان الكلمة (يو 1:1) و يخرج من هذا الربط بأن بما إن الكلمة هو المسيح و الذى وجد من البدء و بما أن الخالق أيضاً وجد من البدء إذن فالخالق هو المسيح و يتضح من هذا التفسير أن الكاتب يحاول الوصول بتقسيره إلى حقيقة لا يراها سواه فمن يؤمن بالمسيح لا يحتاج لإثبات لأنه الخالق و من لا يؤمن به لا يجد فى هذا التفسير الإثبات المطلوب
و فى تفسيره لآية روح الله يرف على وجه المياه تك (1:2) يرى إنها إشارة للمعمودية
و فى آية سمعا صوت الرب الإله ماشياً فى الجنة عند هبوب ريح النهار (تك 3:8) يتضح للقارئ عند تفسيره للآية أن آدم و حواء سمعا الصوت الصادر من مشى الله بينما يفسر الكاتب الآية بأن صوت الله هو الذى يمشى و هى دلالة على تجسد صوت الله فى شخص المسيح
بينما عند هبوب ريح النهار إشارة إلى أن المسيح سيأتى لنا ببركات الروح القدس
نرى فى هذه التفسيرات رؤية الكاتب المحاولة لإثبات حقائق لا يراها سواه و محاولة منه لإقناع القارئ بهذه الأفكار بدون أن يبذل أى مجهود فى إثبات وجهة نظره و إعتماداً منه على ما يسمى ببساطة الإيمان و بما أن القائل بهذه التفاسير هو رجل دين إذن فما قاله صحيح حتى و إن كان ينافى المنطق
إن كانت تلك التفاسير قائمة منذ ما يقرب من ألفى عام إلا إنى لا أعتقد إنها ستتمكن من الصمود لفترة أطول فما ساعد على إستمرار تلك التفسيرات هو قلة إطلاع الشرقيين بصفة عامة فلا يوجد من يعتمد تلك التفاسيرحتى الآن سوى الكنيسة القبطية الأرثوذكسية بينما إتجهت باقى الكنائس الغربية إلى التفسير الأكثر عقلانية و عدم تحميل الآيات بمعانى أكثر من تلك التى تحتملها

حال الدنيا

2007-09-15T09:31:00.000+02:00

فى الوقت الذى تعود فيه قصة مقتل ديانا و دودى مرة أخرى إلى سطح الأحداث بعد الغموض الذى أحاط بمقتل أشرف مروان و إتهام محمد الفايد بقتله ثأراً لقتل مروان لإبنه دودى تطلع علينا الصدقة الجارية التى تركها لنا مروان المتمثلة فى مجموعة قنوات ميلودى بإستباحة مجموعى من الألفاظ التى نستخدمها فى الشوارع و على المقاهى كالفشخ و الفحت للإعلان عن العضو الجديد فى مجموعة القنوات – ميلودى تريكس- و التشبيه بالبيضة للشخص الممل فى تحديها الدائم للملل فى محاولة منها لجعل تلك الألفاظ ألفاظاً إعلامية و إبداعية حتى إننا يمكن أن نتوقع أن نجدها غداً تعرض لنا أغنية كلماتها
يا حبيبى متبقاش بيضه و قوم إهرينى فشخ أوعى تنسى تيجى بكرة عشان معاد الفحت
أو نجد تصريحاً لأحد مسئولى وزارة الداخلية يقول فيه تعليقاً على أحد الأحداث الإرهابية ومتوعداً للجناة بقوله
بس لو وقعوا تحت إيدى و النعمة لأفشخ أمهم

إذا كان من الطبيعى أن تخطئ مذيعة أحدى القنوات الفضائية المسئولة عن تقديم برنامج عن السينما العالمية فى نطق إسم هيثر لو كلير و تلفظه هيلثر لى كيلر فهل من الطبيعى أن ينطق المعلق على إعلانات مجلة روتانا التى يتضح من إعلاناتها إننا يمكن أن نعرف من خلالها من هى الممثلة التى تلبس باروكة و الممثلة التى تستعين ببديلة لها فينطق إسم منه شلبى قائلا منه شبلى لمدة إسبوع كامل دون أن يكتشف أحد هذا الخطأ و للمصادفة يعود إسم منه شلبى للظهور فى أخبار المجلة فى الإسبوع التالى لينطقه منى شلبى لمدة إسبوع آخر
هو صاحب القناة يبقى عم الراجل ده ولا إيه؟

الحوار ليس وسيلة لإقناع الطرف الآخر بوجهة نظرك فيمكن أن يتحول الحوار إلى هدف فى حد ذاته إنت تطلع مين بروح أمك عشان أعمل إعتبار لوجهة نظرك طظ فيك و ملعون أبوك على أبو وجهة نظرك – رأيى فى حوار دار بينى و بين أحد الأصدقاء

بالرغم من إيمانى المطلق بالحرية فى العمل الفنى و إعجابى بجاد شويرى حين قال أصل الفن يا ناس مزاجات إلا إنى لا أعتبر إدخال كلمة هؤه يا نؤه فى كلمات إحدى الأغنيات من قبيل الحرية و الإبداع فهى ليست أكثر من فشل من الكاتب فى إيجاد كلمة مناسبة لوضعها مكان تلك الكلمة بالرغم من إن أى عيل صغير ممكن يلاقى عشرين كلمة يحطها مكان الكلمة دى دون أن يكسر الوزن أو يغير السجع أو القافية

المعصية أصبح إسمها إيتيكيت – نجم الدعوة عمرو خالد فى برنامجه على قناة المحور

طالما أندريه بوتشيلى لسه عايش تبقى إيطاليا لسه بخير – تعليق لأحد أصدقائى على وفاة لوتشيانو بافاروتى

هاهاهاها ضحكة هستيرية من زميلى فى العمل الفلبينى فور سماعة خبر سجن جوزيف إسترادا مدى الحياة و كان تعليقة أن إسترادا يفعل بالضبط كما يفعل المدير العام لشركتنا كلاهما يستغلا الفقر للوصول للحكم

أخيراً وجدت نسخة من رواية وليمة لأعشاب البحر للكاتب حيدر حيدر

العنوان مستوحى من عنوان البرنامج الإخبارى لقناة أوه تى فى

لوتشيانو بافاروتى

2007-09-09T08:43:00.000+02:00

متأخراً ثلاثة أيام

و بحزن ليس قليل

و بحزنٍ أكبر لعدم مشاركتى

فى الأحداث فى وقتها

أعلن لكم وفاة

أعظم

TENOR

عرفه التاريخ

لوتشيانو بافاروتى مات

أسطورة التكوين

2007-07-28T09:32:00.000+03:00

تحكى الأساطير القديمة إنه فى ذلك اليوم الذى أثرت فيه غضب الآلهة. إجتمع الآلهة جميعاً لتوقيع العقوبة على و إتفقوا جميعاً على أن أقوم بتسوية أعلى جبال الأرض بمستوى سطح الأرض المحيطة به و القيام بحفر خندق كبير فى مواجهة ذلك الجبل فقمت فى البداية بحفر ذلك الخندق و بدأت بهدم الجبل و بينما أوشكت على الإنتهاء سقطت صخرة عظيمة على كتفى و كان الألم رهيباً فبدأت فى البكاء و إنفجرت من كتفى الدماء تجمعت كل دموعى معاً فى ذلك الخندق و طفت دمائى على سطح تلك المياه. أطلق فيما بعد على هذه المياه إسم البحر المتوسط و على ذلك التجمع الدموى إسم جزيرة ميامى. بعد زوال ذلك الألم عدت للعمل مرة أخرى فى هدم ما تبقى من الجبل و بالفعل إنتهيت من العمل على أكمل وجه حتى أن أبناء الأجيال الحالية يستحيل أن يصدقوا أنه كان فى ذلك المكان أعلى جبال الأرض. و لفرحى بإنتهاء المهمة خرجت لأتمشى قليلاً فرسمت أثار قدمى حدود لمدينة عظيمة أطلق عليها فيما بعد الإسكندرية و خطت بيدى مساحة صغيرة من تلك المدينة لتكون مكانى المفضل و أطلق على تلك المنطقة سيدى بشر و قمت بزراعة أحد الحبوب السحرية التى كان سرقتى لها هو سبب غضب الآلهة و أنبتت تلك الحبة ذلك البيت الذى تسكنه عائلتى اليوم و بعد مرور ما يقرب من مليون سنة نظر الرب إلى تلك القطعة من الأرض فوجدها خربة و خاوية فجبل الرب الإله تراباً من الأرض من بقايا ذلك الجبل المتهدم و قام بخلق الإنسان السيدى بشراوى لتكتمل بذلك عظمة المكان

خلاص كفايه .......صعب إن أنا أكمل

2007-07-17T10:03:00.000+03:00

بما إن المشاكل عماله تزيد و أنا مش قادر أستحمل أكتر من كده

قررت أقلب الترابيزه على الكل و أنا أولهم و قدمت إستقالتى

و أدينى قاعد مستنى يتوافقلى عليها و أرجع

و ملعون أبو الفلوس على أبو السعوديه على أبو مصر اللى عملت فى دين أبونا كده

اللعبة

2007-07-11T08:52:00.000+03:00

بعد أن وضع كل منكما ظهره نحو ظهر الآخر و تحركتما كلٍ إلى طريقه ذهب عقليكما ليسترجع كل ما مر بكما معاً

الذكريات

الأفراح

الأحزان

المعجزات

مشاكلك معه

حبه لك

سيطرته عليك

دموعك

عزائك

ضحكك

لعبك

حرمانك

غرائزك

أحاسيسك

شعورك

وفائك

خيانتك

عشقك له

كرهك له

جدكما

مزاحكما

كلامه الذى حفظته

كلامه الذى تنساه

كلامه الذى تتناساه

توكلك عليه

تواكلك عليه

تزيد أفكارك من الآن يجب أن

تعتمد على نفسك

تفرح وحدك

تبكى دون عزاء

لا مزيد من المعجزات

لا مزيد من الحرمان

لا مزيد من الكلام

يفيق كلاكما من لاوعيه و تلتفتا كلٍ إلى أتجاه الآخر تقفا مكانكما يخرج كلاً منكما مسدسه من جرابه و تبدئا فى إطلاق الرصاص على بعضكما و تكتشفا إنكما إبتعدتما جداً عن بعضكما حتى خرج كل منكما خارج مجال سلاح الآخر لكنكما تستمرا فى إطلاق الرصاص حتى تتوقف أنت و تضع سلاحك على رأسك و توجهه ناحية عقلك و تتسائل هل إذا أطلقت الرصاص على نفسك

تظل أنت المنتصر

و تنتظر

حتى تتغير قوانين اللعبة لتفعلها و تنتصر

و لازلت حتى الآن منتظر

إعتراف

2007-07-03T14:20:00.000+03:00

تقودك قدماك إلى الكنيسة. كالعادة لا تدخل إلى داخلها و تكتفى بالوقوف فى الفناء و لكن تلك المرة تقف وحيداً فقد وصلت فى موعد غريب لا يأتى فيه أحد من أصحابك. يدخل الكاهن ورائك تحاول أن تتفادى النظر إليه و لكن تلتقى عينيك مع عينيه فتبدأ فى جر خطاك تجاهه تسلم عليه و تقبل يده كما جرت العادة يتوجه إليك بسؤاله المتوقع

فينك؟ مابتجيش ليه؟

لا ترد سوى بكلمة واحدة

الشغل

يسألك سؤاله الثانى المتوقع أيضاً

بقالك أد إيه معترفتش؟

ترد أيضاً بكلمة واحدة

سنتين

ينظر بنظرة مباشرة إلى عينك قائلاً

يبقى لازم تعترف النهاردة

لا ترد سوى بكلمة

يدخل إلى داخل مبنى الكنيسة فتدخل خلفه تقف أمام أيقونة العذراء و تحاول أن تصلى لا يخرج من فمك سوى بعض الدعوات التى تحفظها عن ظهر قلب و لا تفكر حتى فى معناها

تتجه إلى الكاهن بعد أن إتخذ مكانه على أحد المقاعد يتوجه إليك بالسؤال

ها بقى إيه أخبارك؟

تدخل مباشرةً فى الموضوع و ترد قائلاً

بطلت السجاير

يرد الكاهن : كويس

لا تمنحه الفرصة ليمدحك و تفاجئه قائلا

و بقيت بشرب شيشة و حشيش

يحاول أن يخفى التأفف عن وجهه و لكن صوته يرتفع قليلاً و هو يقول

يا بنى إنت مش هترحمنى بأه

يصلى لك صلاة الحِل و يقول لك ألا تعود لتلك الخطايا حتى يغفر الرب لك

تخرج من الكنيسة تجر خطاك إلى المقهى الذى إعتدت الجلوس عليه و تطلب حجر معسل و فنجان قهوة سكر زيادة كالعادة

ينظر إليك الرب و يحاول أن يجد سبباً يجعله يغفر لك و لكنك لا تعطيه تلك الفرصة فيحول نظره عنك و يبحث عن شخص آخر يستحق تلك الفرصة

إعتذار علنى للأستاذ المخرج محمد خان

2007-06-27T16:22:00.000+03:00

أنا مش عارف أنا إيه اللى بعمله اليوميين دول بس واضح إن مشاكلى فى الشغل بتأثر على كل حاجه بعملها

آخر تدوينه كتبتها كانت طريقتها مبتذله جداً و مش عارف أنا ليه عملت كده

معظم التعليقات اللى بكتبها فى باقى المدونات سلبيه

التعليق اللى كتبته فى مدونة الأستاذ محمد خان إتسبب فى إنه يقفل المدونه

بس أنا ماكنش قصدى أنا كنت كل اللى عايز أقولهوله إنه يستحمل علشان خاطرنا و علشان خاطر كل الناس اللى بتحبه و ده كان قصدى من تمن الشهره

الأستاذ خان فى الفتره القصيره اللى شرفنا فيها بتدويناته بقى حاجه كبيره جداً بالنسبه لنا و أنا كمان عملتله إعلان هنا علشان أى حد يدخل المدونه يعرف مدونة الأستاذ و بالتالى مستحيل أكون أنا السبب فى رحيله

أنا كل اللى قلته كان مجرد رأى و كان هيكون شىء أكثر سعادة بالنسبه لى لو الأستاذ كان قاللى طظ فى رأيك و كمل فى اللى بيكتبه بس بجد اللى عمله الأستاذ ده رد فعل قاسى قوى على اللى كتبته و لذلك أرجو منه أن يسامحنى

السيد الأستاذ محمد خان أتقدم لسيادتكم ببالغ أسفى و إعتذارى و أرجو من سيادتكم قبوله مع خالص تحياتى و تقديرى لكم

طب تصدق إنى بقالى إسبوع عارف إنها هنا و محاولتش أشوفها

و كمان لما كلمتها فى التليفون قفلت معاها بسرعه و خلصت المكالمه كأن هى اللى مكالمنى و أنا مش عايز أكلمها

مش عارف إيه الهبل اللى أنا فيه ده

أكيد أى حد قرأ الكلام الغريب اللى أنا كاتبه ده بيقول علىّ مجنون دلوقتى

و النبى قولوا للأستاذ مش معقول يقفل المدونه بتاعته بسبب واحد مجنون

ماعت عايزه تعيش و أنا كمان

2007-06-24T11:03:00.000+03:00

تحذير: يحتوى هذا المقال على بعض الألفاظ الخادشه

كتبت تلك التدوينة للتعليق على هذه التدوينة لماعت

ماعت إتخنقت من المعاكسات و المضايقات اللى فى الشوارع و المواصلات و عايزه تعيش حياتها على حريتها بعيد عن المضايقات و أخوها علاء بينصحها و واضح إنها نصيحة صادقة و مخلصة إنها تسيب البلد و تروح تعيش فى بلد تانيه قال يعنى هو ده الحال و نسيب البلد للذكور اللى شايفين نفسهم يقعدوا هما يتحرشوا ببعض طبعاً فى ناس دلوقتى بتقول و إنت مال أهلك و إيه اللى دخلك فى الموضوع ده أنا عايز أقول إن مش بس البنات اللى بتتعاكس فيه كمان ولاد بتتعاكس و ممكن كمان إنى أدعى إنى أكتر واحد إتعاكس فى مصر

الحكايه الأولى

----------

كنت ماشى على الكورنيش فى إسكندريه و ماشيه جنبى واحده هى و جوزها - جوزها كان ماسك ولدين فى إيديه و أنا من عادتى إنى بحب أتفرج على وشوش الناس و وأنا ببص على وشها واخدين بالكوا وشها مش جسمها أعتقد إن ده تصرف طبيعى لا يعاقب عليه القانون و إن كان بيعاقب عليه هنا فى السعوديه و ممكن يتعملك محضر تطلع لأنثى بس ماعلينا و أنا ببصلها لقيتها راحت متنحه فىّ أوى و راحت بعتالى بوسه فى الهوا طبعاً أنا إتثبت و معرفتش أعمل إيه و طبعاً جوزها كان ساحب الأولاد ووصل بيهم إلى العالم الآخر

الحكاية التانيه: فى الترام

-----------------

كنت قاعد فى أمان الله وقعد على الكرسى اللى قدامى بنتين فى تجاره عرفت إنهم كانوا فى ثانوى صنايع أسنانهم صفراء جداً واضح إن ده تأثير التدخين

ملحوظه: أنا مش ضد تدخين البنات

ماعلينا و لقيت واحده فيهم راحت ماده رجلها و هى قاعده فى الكرسى اللى قصادى و لزقت ركبتها فى ركبتى و إبتدت تدعك و طبعاً إبتدى بعد كد ه الحوار اللى عرفت منه دراستهم

ملحوظة كمان: البنتين كانوا أكبر منى

الحكاية التالته: برضه فى الترام

----------------------

كنت المره دى واقف و كان واقف قدامى بنتين فيهم واحده حلوه وواحده وحشه مش ببصبص بس زى ماقلت أنا بحب أبص على وشوش الناس و إبتدى البنتين بالكلام و الضحك بصوت عالى برغم تأفف الناس اللى فى الترام لأننا كنا فى رمضان و بعدين ركزوا نظرهم على و قعدوا يوشوشوا بعض و يبصولى و يضحكوا و طبعاً أنا مش قديس فإنتهزت الفرصه و دخلت على البنت الحلوه و كلمتها قلت أهى حاجه تضيع الوقت ماهو الناس اللى من إسكندريه عارفين مشوار بالترام من الجامعة لسيدى بشر بياخد قد إيه و طبعاً البنت كانت مصممه إنها تاخد رقم تليفونى و مخلصنيش من الموضوع غير إنى ماكنتش لسه جبت موبايل

الحكايه الرابعة: ليبيا

--------------

و الموضوع مش فى مصر بس يعنى السفر مش هو الحل و أكيد طالما البنات بتعاكس فى البلاد التانيه يبقى برضه الولاد بتعاكس

كنت بحضر معرض ليبيا وواقف فى البارتشن بتاع الشركه و البارتشن فى وجود المعروضات بيبقى ضيق قوى و لقيت أربع بنات بيتفرجوا و طبعاً بيتفرجوا على الناس مش المعروضات لإن المعرض صناعى و لقيت واحده منهم وقفت قدامى بتعمللى باى باى بإيدها أنا طنشت راحت مكرره الحركه تانى أنا قلت يمكن بيتهيألى راحت جايبه صحابها التلاته التانيين و دخلولى البارتشن إنتو متخيلين إحنا الخمسه مع المعروضات فى بارتشن 3متر فى 3متر الوضع كان عامل إزاى و مأنقذنيش من الموقف ده غير إن زميلى شافنى و أنا فى الزنقه دى و جه علشان يلحقنى وطبعاً أول ما جه راحوا البنات ماشيين - منك لله يا أخى

هاهاهاا

الحكايه الخامسه: الجزائر

-----------------

المكان معرض الجزائر الدولى و بما إن الجزائر أكثر تحرر من مصر و ليبيا فبالتالى لازم المعاكسه تكون مختلفه طبعاً بخلاف الكلام اللى من نوعية إنت حلو إنت جميل و إنت عجبتنى بالزف و بالزف دى يعنى بشده بالجزائرى فلن أنكر إنى إتبست أيوه فى واحده بنت باستنى

بالإضافى إلى بنت تانيه دخلت عندى البارتشن اللى كان أضيق من بتاع ليبيا و قعدت تغنيلى حد يقوله إنى بحبه الحب ده كله - أغنية الرائعة نانسى عجرم و قعدت ترقصلى و سابتلى رقم الموبايل بتاعها

ملاحظه جديده: كل ده إحنا قدام الناس و المعرض زحمة

و تانى يوم بعتتلى هديه مع إبن عمها أصل إبن عمها ده طلع لامؤاخذه مثلى - و مش هقول شاذ عشان المثليين مايزعلوش

الحكاية السادسة: السعودية

-------------------

و بما إن فى السعودية أنا لا أستطيع مخالطة النساء فالحكاية المره دى مختلفه حبتين لأن بطلها واحد من أمثال إبن عم صاحبتنا الجزائرية بس المره دى مضطر أقول إنه شاذ مع الإعتذار لحبايبنا المثليين

كنت خارج من القهوة و طلع ورايا واحد ونده عليا و قاللى إن موبايله خربان و عايزنى أرن عليه عشان يشوف هايستقبل و لا لأ و أنا بحسن نيه وافقت و رنيت عليه فالموبايل رن فقاللى تحب أتصل بيك إمتى قال يعنى أنا خلاص عرفت هو عايز إيه و وافقت فقلت له تتصل بى بخصوص إيه قاللى أبغى أمصلك و تعرسنى - نعتذر للأخوه ذوى الحس المرهف و اللذين لم يتعدوا السادسة عشر

بس مافيش كلام أبسط من كده يعبر عن الموقف

قلتله لأ فهمتنى غلط يا معلم قاللى ليه أنا أبغى أمصلك بس و اللى تبغاه موجود طبعاً قفلت باب العربيه و مشيت و هو قعد يتصل لمدة إسبوعين بعدها

ولو مسكنا قصص المثليين دى لوحدها هاحكى بلاوى أنا مش قادر أفتكر أنا قابلت مثليين قد إيه فى حياتى العدد فى اللمون بس فاكر إنى و أنا فى إعدادى هندسه كنت راكب قطر أبو قير و طبعاً الإسكندرانيه فاهمين يعنى إيه قطر أبوقير واحد حاول يمسكنى من عضوى الذكرى و مبطلش محاولات غير لما قلت له جرى إيه يا خول

الخلاصه

------

مافيش حل لموضوع المعاكسات و التحرشات ده طالما مافيش و سيله لتفريغ الكبت الجنسي اللى عند البشر

السفر مش حل لإن المعاكسة مش مرتبطة بمصر بس

مش البنات بس اللى بتتعاكس بل فى بنات بتعمل أكتر من الولاد

الحل الوحيد للمعاكسة إن اللى يعاكسك تردى عليه بكل إحترام و تقوليله: مع خالص إحترامى كس والدة حضرتك

2007-06-23T13:08:00.000+03:00

لاحتِ الظلمةُ في الأفْق السحيقِ

وانتهى اليومُ الغريب

ومضت أصداؤه نحو كهوفِ الذكرياتِ

وغدًا تمضي كما كانت حياتي

شفةٌ ظمأى وكوبُ

عكست أعماقُهُ لونَ الرحيق

وإِذا ما لمستْهُ شفتاي

لم تجدْ من لذّةِ الذكرى بقايا

لم تجد حتى بقايا

انتهى اليومُ الغريبُ

انتهى وانتحبتْ حتى الذنوبُ

وبكتْ حتى حماقاتي التي سمّيتُها

ذكرياتي

من قصيدة مرثية يوم تافه

توفيت يوم الخميس الشاعرة العراقية نازك الملائكة

2007-06-19T09:44:00.000+03:00

مشاكلى زادت قوى فى الشغل و إحتمال أترفت النهارده

إدعولى الموضوع ده يخلص بسرعه علشان إتخنقت

تحديث

تم تأجيل مناقشة الموضوع لإجتماع الإداره فى جده و بما إنى ملقيتش حجز فمروحتش الإجتماع و تم الصهينه على الموضوع مؤقتاً

ها أنا

2007-06-12T17:17:00.000+03:00

انا هناأنفتح على كبر حالى
تلسعنى اغنية كلسعات نحلٍ ناري
سمعتك تدعونى في الفجر الساطع
اندفع لكِ خلال الليل والغبار والعرق
المدن والقرى منى تحترق
البرق يشعل مجموعة رقيقة من النيران فى بيتى القديم الرمادي
الامطار جرفت الآثار الحمراء
وقفت أمام اسمك
كما أقف أمام مرآة الضمير الزرقاء
كفرعٍ مسلوخ
يدي تطرق على عجل بابك النوار
عينى ترتجف و تحتار
كالاشرعه المنجذبة اليكِ.
فجأة : ينفتح الباب.
لم أجدك
يضيع كل شىء هباء
تضيع القصيدة
يضيع معنى البكاء
يصبح سخيفاً
يضيع معنى الذكاء

ترجمة بتصرف لقصيدة

Here I am , ABRAHAM SUTZKEVER

وفاة عميد كتاب السيناريو المصريين عبد الحي أديب

2007-06-11T09:12:00.000+03:00

توفي كاتب السيناريو المصري المعروف عبد الحي أديب في سويسرا التي كان يزورها في رحلة علاج وذلك عن عمر تجاوز 82 عاماً قدم خلالها عشرات الأعمال السينمائية المهمة.
ومن المقرر أن يعود جثمان الراحل إلى القاهرة بعد غد الثلاثاء بصحبة ابنيه عماد وعادل أديب لتجري مراسم الدفن حيث سيقام العزاء بمسجد الحامدية الشاذلية مساء الأربعاء المقبل.وقدم عبد الحي أديب للسينما المصرية الكثير من الأعمال المهمة في تاريخها بدءاً من أول أعماله (باب الحديد) بطولة فريد شوقي وهند رستم وإخراج وتمثيل يوسف شاهين و(امرأة في الطريق) لرشدي أباظة وهدى سلطان إخراج عز الدين ذو الفقار و(صغيرة على الحب) لسعاد حسني ورشدي أباظة إخراج نيازي مصطفى.وللراحل ثلاثة أبناء يعملون جميعاً في المجال الإعلامي هم عماد الدين أديب الصحفي والإعلامي البارز وصاحب مؤسسة جود نيوز للإنتاج وعمرو أديب الصحفي ومقدم البرامج المعروف بفضائية الأوروبت إلى جانب عادل أديب المخرج والمنتج. وكان آخر ما كتبه الراحل هو قصة فيلم بعنوان (ليلة البيبي دول) رشح لبطولته الفنان محمود عبد العزيز ولإخراجه ابنه عادل أديب وكان من المقرر أن يبدأ تصويره نهاية هذا العام

المزيد من التفاصيل عن حياة الراحل

محمد خان بقى بلوجر يا جدعان

2007-06-10T09:10:00.000+03:00

أنا بقالى كتير مابكتبش مش عارف ليه بس إكتشفت إن المخرج الكبير محمد خان عمل بلوج و بيكتب فيه ذكرياته مع الفنانين و الأفلام فكان لازم أعمله إعلان

البلوج إسمه الكليفتى

حجب مدونة بيسو

2007-05-06T10:55:00.000+03:00

تم حجب مدونة بيسو

وسع خيالك عيش كأنك تلعب

لمستخدمى الإنترنت من المملكة العربية السعودية بعد أن تم الإسبوع الماضى حجب كافة المواضيع و لم يتركوا سوى الصفحة الرئيسية تم اليوم حجب الصفحة الرئيسية أيضاً لنفقد أى صله بالمدونه

ولسسسسسسسسسسسسه

من عبد الكريم لعبد المنعم

2007-04-25T08:27:00.000+02:00

بعد أن إنتهينا من حملة الدفاع عن كريم و بعد أن فشلنا فى أن نفعل اى شىء لأجله أكتر من شوية كلام

بسم الله نبدأ فى حمله جديده و كلام جديد دفاعاً عن عبد المنعم بالرغم من علمنا المسبق بنتائجها التى لن تختلف بأى حال عن سابقاتها من الحملات الكلاميه و كلام المدونين اللى لا بيقدم و لا بيأخر

بالرغم من إختلافى الشديد و عدم إتفاقى مع الإخوان و ذعرى من الحكم الإسلامى فلقد كنت شاهد عيان على ما فعلوه فى عقول الشباب فى الجزائر و ما مازالوا يفعلونه فى السعودية و أخشى أن تتحول مصر إلى صوره من تلك الصور بالرغم من ذلك إلا إنى أضم صوتى إلى صوت كل المدافعين عن عبد المنعم و كل المعتقليين من الإخوان فالإعتقال ليس هو الحل بأى حالٍ من الأحوال

و بما إننا زى ما إحنا شايقيين كل شوية بندافع عن مدون و بنعمله مدونه بتبدأ بكلمة

FREE

و بعدها إسم المدونه بتاعته فأنا بأقترح على كل مدون إنه يحجز من دلوقتى

Domain

على البلوجسبوت أو أى بلوجر بيكتب عليه ويسميه

free+إسم المدونه بتاعته

و يسيب الباسورد بتاعه منشور على المدونه الأصليه بتاعته بحيث إنه يسهل الموضوع على باقى المدونيين فى الدفاع عنه و أهى تبقى حاجه إضافيه المدون يعملها زى ما بيكتب وصيته كده

نظرية الإحتمالات

2007-04-03T16:57:00.000+02:00

نظرية
1
بما أن : إنتِ فاضلِك كام يوم و تييجى و يمكن أشوفِك كل يوم
إذن : إحتمال ماحلمش بيكى تانى اليومين اللى جايين

نظرية
2
بما أن : إنتِ جيتيلى فى الحلم يوم ماشُفتها
إذن : إحتمال تكونى حاسه باللى أنا حاسس بيه

نظرية
3
بما أن : أنا حسيت بالغيرة لما جاب سيرتك
إذن : إحتمال أكون بحبك بجد

بما إن الحياة كلها إحتمالات يبقى لازم نعيشها بكل إحتمالاتها

بين صياعة العقاد و عودة الذكريات و سرقة العربيات

2007-03-19T17:12:00.000+02:00

فيقول : أنه كان فى أسوان دير للراهبات و كانت الراهبة إذا ظهرت عليها أعراض الحمل نقلوها فوراً إلى روما

شفتها من كام يوم ع الماسنجر. لأول مره ألاقيها أون لاين من ساعة ما سافرت كانت حطه صورة حلوة قوى ليها و فى خلفيتها البحر يااااااه فين أيامك يا إسكندريه إفتكرت يوم ما إتعرفت عليها كنت فى تالته ميكانيكا و هى لسه داخله إعدادى قالت لى بمنتهى البساطة أنا من زمان و أنا نفسى أتعرف عليك بس كل ما ألاقيك واقف مع حد أعرفه أروح ناحيتكم عشان أخليه يعرفنى عليك ألاقيك خلصت كلام ومشيت قلتلها: معلش يا فندم أنا آسف

و كان الأستاذ يقول : و لما كانت أسوان صغيرة و كلنا نعرف ماذا يجرى فيها كنا نشعر بإختفاء إحدى الراهبات و نعرف السبب

فقالتلى بنفس البساطة ممكن رقم تليفونك. معلش عيله بقى و عايزه أغلس عليك ممكن؟ قلتلها : طبعاً يشرفنى يا فندم

و لذلك كان من عادتنا أن نمشى وراء الراهبات و نقول لهن : ألا تحبين أن تسافرى إلى روما يا أخت؟

!!!!!!

و لأول مرة أحس بإشتياق لإسكندرية برغم كل اللى فاتنى و أنا بعيد إلا إنها أول مرة توحشنى

و بما إن كل الناس بتتكلم على القناة دى فعملت تحديث لقنوات الثلاث أقمار اللى عندى عشان أستقبلها. القناة برامجها لذيذه قوى و بقت من القنوات القليلة اللى لازم أعدى عليها كل يوم

كان يقول : لقد سألنى كثير من الناس إن كانت المطربة أم كلثوم ما تزال آنسة

بعد الحادثة اللى عملتها من إسبوعين أجرت عربية أفيو لغاية ما التانية تتصلح و رحت على القهوة. القهاوى هنا فى الصحراء بعيد عن العمار و على ما طلعت من القهوة لقيت إزاز العربية مكسور و الإستبن إتسرق . مش عارف هى ملطشة معايا كده ليه؟؟؟

و كان يجيب : قلت لهم : أنا لا أعرف شخصياً و لكن كل الذين تزوجوها قالوا إنها كذلك

!!!!!!

نياهاهاهاها

كنت قاعد مع واحد من العملاء كان بيحكيلى عن صاحب مصنع الجبنة الشهير اللى متجوز الفنانة الشابة اللذيذة و طلق مراتة بنت راجل الأعمال الكبير و لهف منها 12 مليون جنيه و رماها هى و عياله الأربعة علشان عيون النجمة و ضرب الرياضى الشهير بالسكينة و خلاه يعتزل و يتجه للتمثيل و الغناء علشان يحرّم يعاكس النجمة !!!!
عرفتوا باتكلم على مين؟؟؟ للإجابة على سؤال الحلقة إتصل على زيرو تسعمية أربع بتاعات

اُنْظُري ضِحْكِي وَرَقْصي فَرِحاً........... وَأَنَا أَحْمِلُ قَلْباً ذُبِحَا

واحد صاحبى طلب منى أقرا قصيدة الأطلال بتمعن
حاضر يا سيدى هاقراها بتمعن

بمناسبة الذكرى السنوية لوفاة عباس محمود العقاد. الأجزاء الملونة باللون الأحمر من كتاب فى صالون العقاد كانت لنا أيام لأنيس منصور

مش أنا دخلت الحجز

2007-03-06T08:55:00.000+02:00

الموضوع ده عدى عليه 5 أيام دلوقتى و أنا مكسل أكتب
المهم النهارده رجعت من الشغل الساعة 7 و إكتشفت إنى ماكلتش حاجة طول اليوم و عايز آخد دش و عايز أنام و عايز أكتب يووووه كل ده. دخلت أخدت دش و عملت ساندويتشات ماهى دى الحاجه الوحيده اللى بعرف أعملها
أكلت السندويتشات و لسه جعان كملت الأكل بشوية شيكولاته وشربت موز باللبن و حاسس إنى عمال أتخن بس هعمل إيه ؟؟ حبست بكوباية نسكافيه و دخلت حلقت ذقنى و قلت أقعد أكتب بأه
نرجع لموضوع الحجز

أخيرأً قدرت أطلع الرخصة
فى مصر غمزت الراجل اللى بيختبرنى بخمسين جنيه و خلص الحوار هنا بقالى أكتر من 3 شهور بدور على حد يأخد 1000 ريال و يطلعلى رخصة مش لاقى ماهى الناس هنا شبعانه ما علينا طلعت الرخصة و رجعت على الشغل مزقطط
خلاص يا جماعه طلعت الرخصة عايز عربيه بأه
بس كده
تلات أيام و كانت معايا نيسان صنى
نازل أصيع بالعربيه فى الشارع
و أوبه طاااخ
دخلت فى عربيه تويوتا كريسيدا سايقها واحد فلبينى دخل فى تويوتا كورولا سايقها واحد سعودى دخل فى نص نقل سايقها باكستانى يعنى ماسبتش جنسية فى السعودية فى حالها
نزلت م العربية و قلت هتقطع ضرب لقيت الناس اللى خبطتها كلها بيطمنوا على بعض و علىّ و كله تمام

صورة الحادثة

المهم السعودى إتصل بالشرطة و وقفنا نستنى لما تييجى و إتصلت بالشغل جاللى صاحبى المصرى و المدير بتاعى الفلبينى

صورة المرحومة

جت الشرطة
فين يا عم أوراقك
إتفضل سعادتك آدى الرخصة و الإقامة و رخصة العربية و التأمين ميه ميه يابيه

الله أمال فين التفويض
تفويض إيه يابيه
السياره بإسم الشركة لازم تفويض عشان تركبها
أوووبه طب يا بيه خمس دقايق و تييجى الورقة من الشغل
يبقى تشرفنا لغاية الورقة ماتيجى
و ركبت عربية الشرطة

و أنا بركب سيارة الشرطة

أنا داخل سيارة الشرطه

و راح صاحبى على المكتب يجهز التفويض و أنا رحت على المرور و قعدت على كرسى عشر دقايق كده و إتنده إسمى
إتفضل معايا
و دخلت الحجز
الحجز بأه عباره عن كام أوضه كده و كل أوضه قاعد فيها تلاته أربعه مش أكتر و طبعاً كنت عايز أدخل الحمام
الحمام بالنسبه لإنه حمام حجز فهو نضيف و كل شويه بييجى عامل ينضفه

صورة أحد غرف الحجز ......... الغرفه خاليه لأن المحجوزين كانوا بيصلوا العشاء فى غرفة أخرى

مستنى صاحبى يخلص التفويض و ييجى قلت أسلى نفسى و أقعد آخد شوية صور على ما الناس تخلص صلاه

ذكرى بالعربى ........ واحد بيتمنى إنها تكون حبسه مفعمه بالحركة و النشاط و الحيويه نياهاهاها

ذكرى واحد أفغانى

غالباً دى ذكرى بالهندى

الناس خلصت صلاه قعدت أتعرف على الجماعه السعوديين و كل واحد محجوز أد إيه و ليه و كده و بتاع و شاى بالنعناع
ما علينا صاحبى و صل و لاقيته طالعلى الحجز و فكه من الدنيا كلها و قعد يصور فىّ

أنا فى الحجز

إيه يا معلم الأخبار
أبداً إديتهم الورقه و مش عايزين يطلعوك م الحجز
ليه يافقر
أصل العسكرى اللى كتب التقرير الله يكرم دين اللى جابت أمه كتب فى التقرير إن سبب الحادثة سرعة لا يغطيها التأمين و بقيت عايز إن الشركه تقدم ورقه تضمنى فيها إن التأمين لو مدفعش و طبعاً مش هيدفع ماهو العسكرى الله يكرم دين اللى جابت أمه طلعهم براءه من الليله كلها يبقى يضمنونى إن أنا أدفع و بكده أنا اللى لبست الشغلانه كلها و دى يطلعلها كده أد مرتب تلات أربع شهور
و بما إننا يوم الأربع و بما إن الخميس و الجمعة أجازة يبقى أنا لبست حجز لغاية يوم السبت
ما تتصرف يا فقر إنت جاى تصورنى و تمشى
طب إستنى أنزل أحاول معهم تانى
دقيقتين و طلعلى
هات إقامتك
خد
دقيقتين تانى و لقيت ظابط طالع و بينادى على إسمى
سلمت على الإخوه المساجيين و خرجت
الظابط قاللى حمدالله على السلامة
و خرجت
صاحبى قاللى إنه سابلهم الإقامه لغاية ما أجيب ورقة الضمان من الشركة
الشركة لسه ما عملتش ورقة الضمان
بقاللى خمس أيام ماشى من غير إقامه
و يمكن أتمسك و أترحل و التدوينه اللى جايه أكتبها من مصر
يا عالِم

كريم إتسجن يا رجاله

2007-02-24T15:16:00.000+02:00

كل ما أكتبه فى موضوع كريم هو للتسجيل فقط بالرغم من إعتقادى بأنى جزءٌ من القصة إلا إنى لم أكن مشارك فى أى أحداث متعلقة بهذا الموضوع نظراً لوجودى خارج مصر إلا إنى كنت أتمنى أن أشارك فى مساندته بأى صورة و بالطبع لم أجد سوى هذه المدونة و بالرغم من أن التدوين أصبح جريمة الآن يعاقب عليها شاب فى الثانية و العشرين من عمره جريمته هى أنه فكر و قام بتدوين تلك الأفكار فما الجريمة التى إقترفها سوى إنه فكر و هداه تفكيره إلى طريقٍ خاطئ من وجهة نظر البعض فما العيب فى ذلك شاب فى هذا السن يحق له أن يخطئ و لكن المجتمع وجد أنه يحق له عقابه بأربعة سنوات سجن

كنت قد نويت أن أكتب مقال أبيح فى حالة سجن كريم و لكننى مشوش و لا أدرى إن كان الحكم بالسجن أربعة سنوات هو نوع من الرأفة معه أم لا و هو ما ساعد على تهدئتى فى لغة التدوينة

و لكنى لا أستبعد أن أعود لأكتب فى هذا الموضوع مرة أخرى بلغة أكثر قذارة بعد ترتيب أفكارى

و قد أفعل كما فعل علاء

اليوم النطق بالحكم فى قضية كريم

2007-02-22T07:50:00.000+02:00

اليوم و بينما أقوم بكتابة تلك السطور تتم محاكمة كريم لا أملك شئ لأفعله الآن. كم كنت أتمنى أن أكون متواجداً فى مصر لأتمكن من حضور جلسة المحاكمة و لكن كل ما يسعنى الآن هو الدعاء له و لنا جميعاً بالخلاص ممن نصبوا أنفسهم أوصياءاً على عقولنا و أفكارنا و أعطوا نفسهم سلطة الحكم بأمر الله على الأرض

أدعو لكريم بالبراءة حتى نشعر جميعاً بأن لدينا قضاءٌ عادل قضاءٌ مستنير و أدعو للقضاة القائمون على تلك الجلسة بالإستنارة و حسن البصيرة فأى جريمة إرتكبها هذا الشاب حين عبر عن أفكاره حين دون ما يدور برأسه يوجد بيننا الآلاف ككريم و لكنهم يستترون و يختبئون تحت أوجه مصطنعة نعتقد أنهم قمة فى الإيمان و الواقع إنهم لا ينتمون للإيمان فى شئ

أقوم الآن بالدعاء لكريم بالبراءة أوجه الدعاء لكافة آلهة الكون أعلم أن كريم لا يؤمن بأى إله و أعلم إنه ما من داعىٍ يجعل الله يساعده و لكن أعلم كم هو رؤوف و رحوم و ليس مثلنا نحن معشر البشر و لايرضيه أن يعاقب أى إنسان فقط لمجرد أنه إستخدم عقله الذى منحنا الله إياه حتى و إن قاده إلى طريقٍ خاطئ و لكن مازال هناك أمل فى تقويمه و لكن بدخوله السجن دون ذنب أعتقد أن آراءه ستزداد صلابه و يضيع كريم نهائياً

فأى إلهٍ هذا الذى سيضع عقله فى مستوى عقل كريم ويقرر عقابه

ربنا معاك يا كريم

أنا أساند كريم

The story from Washington post

غداً النطق بالحكم فى قضية كريم

2007-02-21T08:13:00.000+02:00

غدا الخميس 22 فبراير .. جلسة النطق بالحكم في قضية كريم

موضوع كريم بالكامل من عند جار القمر

أنا أساند كريم

2007-02-20T15:55:00.000+02:00

لم يبقى سوى أيام قليله على الجلسة المحدده لإعلان الحكم على عبد الكريم المدون المتهم بمجموعة من التهم نشأت عن كونه فقط يدون و لم يفعل غير ذلك

لذلك وجب علينا مساندته حتى لا نجد نفسنا فى يومٍ من الأيام فى مكانه متهمين بالتدوين

و بغض النظر عن كونى أوافقه فى آراءه أو أخالف إلا إنى يجب أن أسانده

و أطالب جميع المدونين بمساندته

فنحن أيضاً أصحاب القضية و ليس كريم وحده

لذلك أطالب الجميع بعدم التدوين فى غير هذا الموضوع لعلنا نستطيع أن نغير شيئاً

و مادامت المساندة تأتيه من هنا و هنا و هنا و أيضاً هنا

فبالأولى أن تأتى منا أيضاً

سأقوم يومياً بنشر تدوينه أعلن فيها عن مساندتى لكريم

و أطالب كل من يجد قبولاً فى كلامى أن يفعل المثل

أنا أساند كريم

أيام غير باقى الأيام

2007-02-11T13:57:00.000+02:00

عيد ميلادى اللى فات كنت فى القاهرة
.
.
.
.
.
.
.
و فى عيد ميلاد أبويا كنت فى ليبيا
.
.
.
.
.
.
.
و فى عيد جواز أبويا و أمي كنت فى الجزائر
.
.
.
.
.
.
.
و فى عيد ميلاد أمى كنت فى السعودية
.
.
.
.
.
.
.
و أول إمبارح كانت خطوبة أختى و أنا لسه فى السعودية
.
.
.
.
.
.
.
فى حاجات كتير قوى ممكن تفوتنا و إحنا بعيد
.
.
.
.
.
.
.
بس فى حاجات أكتر أكيد هتفوتنا لو فضلنا قاعدين فى مكاننا

أنا ماتت

2007-02-10T14:46:00.000+02:00

أنا ...........ماتت

و لا عزاء للمزز

للمزيد من صور المرحومة

الكفر بين الهلال و النجمة و الصليب

2007-02-05T14:19:00.000+02:00

لقد أثارت التدوينة السابقة العديد من التعليقات و التساؤلات و الخلافات فى وجهات النظر و قد حاولت الرد
بإقتضاب على كل من شرفنى بالتعليق و لكن و جدت أنى فى حاجة لسرد الكثير من المعلومات و المراجع
كما وجدت أن الموضوع يستحق الحديث عنه فى تدوينة أخرى فقررت الرد على التعليقات فى تلك التدوينة أول المعلقين كان واحد من الناس الأخ العزيز واحد من الناس لقد ختمت كلامك بعبارة هذه مسألة لا نقاش فيها لكى نقول هذا يجب أن تكون تلك المسألة قد شبعت دراسة و نقاش و هو ما لم يحدث أخى العزيز غير الكافر هناك فارقٌ كبير بين الكفر بالمعتقدات و الكفر المطلق لقد عرف الدكتور عماره الكفر
بأنه تكذيب الرسول في شيء مما جاء به و إذا نظرنا إلى هذا التعريف لوجدنا أن هذا لا يمثل سوى الكفر
بالمعتقدات الإسلامية و ليس الكفر المطلق و إذا إعتبرنا أن هذا هو تعريف الكفر المطلق من وجهة نظر
الإسلام لوجب علينا معرفة تعريف الشىء نفسه من وجهة نظر المسيحية و اليهودية أخى العزيز هل تعلم كم مرة تم ذكر كلمة كافر فى التوراة و الإنجيل؟ لم تذكر تلك الكلمة ولا مرة فى الكتابين للتأكد يمكن عمل بحث فى محتوى الكتابين على هذا الموقع
و بالبحث عن مصدر الكلمة كفر سنجد أن كل النتائج تظهر مقرونة بكلمة (عن الخطايا) أى أن
الكلمة الظاهرة و الواردة فى الكتابين هى كفر بتشديد الفاء بمعنى تاب عن الفعل أما كلمة الكفر
بسكون الفاء لم تذكر أبداً مما يعنى أن تلك الكلمة ليس لها وجود فى القاموس اليهودى – المسيحى
و بالتالى لا يمكن ليهودى أو مسيحى أن يصف المسلم أو المتبع لأى معتقد آخر بأنه كافر لسبب
بسيط عدم وجود هذا المفرد فى قاموس المصطلحات الخاص بهما بينما تم ذكر كلمة الكفر و مشتقاتها فى القرآن ما يزيد عن 315 مرة بناءاً على ما ورد فى
المعجم المفهرس للتراكيب المتشابهة لفظا ًفي القرآن الكريم
للدكتور محمد زكي محمد خضر الطبعة الأولى كما إننا لو حاولنا ترجمة كلمة كافر إلى الإنجليزية لوجدنا الكلمة المرادفة هى
Disbeliever بناءاً على نتائج خدمة الترجمة التابعة لموقع جوجل و هى كلمة لا تأتى بمفردها و إنما تكون مقرونة بصفة ما بمعنى غير المؤمن بكذا
مما يعنى أن صفة الكفر تنطبق على شىء معين و ليس كفر مطلق و هذا مايفسر سهولة إستخدام المسلمون لكلمة الكفر و سهولة قبولهم لهذه
الصفة بعكس باقى المعتقدات حيث أن الكلمة كلمة عربية صِرف و تم ذكرها
فى القرآن فى عدد كبير جداً من المواضع بعكس الحال فى المسيحية و اليهودية و بالتالى حين ينعت مسيحياً أو يهودياً مسلماً بالكفر يكون هذا وضع غير طبيعى
و يمكننا بسهولة وصف هذا الشخص بالتطرف وبالتالى من السهل على المسيحى
أن يقبل هذا الوصف من مسلم متطرف بينما يكون الأمر شديد الإزعاج فى حال
صدوره من شخص معتدل و هو ما نسعى لتقويمه و ترك تقييم الشخص من حيث
الإيمان و الكفر لله سبحانه و تعالى و إن أضطررنا لمقارنة الإيمان يمكننا وضع وصف
غير المؤمن بالإسلام أو الكافر بتعاليم الرسول أو وضع أى إسم مضاف للصفة بحيث
لا تعنى الكفر المطلق وبالتالى حين يقول واحد من الناس انا بنفسي سألت الكثير من المسيحيين على
البالتوك ومنهم قساوسة سؤال واضح وصريح هل المسلمين كفار ام لأ؟ وكانت الاجابة نعم فيمكننى التأكيد لك على أن أولئك المسيحين هم متطرفون و إن كانوا قساوسة أما بالنسبة لعبادة المسيحيين للمسيح من دون الله و قولهم بأن الله ثالث ثلاثة فلقد
ذكرت فى التدوينة السابقة أن المسيحيين لا يعتقدون بذلك أعلم أن هذه الأقوال قد
ذكرت فى القرآن الكريم و لكن من قال أن المقصود بها هو المسيحيون هم المفسرون
و هذا غير صحيح لعل المقصود فئةً أخرى فأنا كمسيحى يمكننى أن أقول بكل إيمان الله أحد ألله الصمد لم يلد و لم يولد و لم يكن له كفواً أحد و يمكنك الحصول على إعتراف من كل المسيحيين بهذا القول و لهذا اؤكد على ضرورة
معرفة معتقدات الآخر بصورة سليمة من قبيل الثقافة ليس أكثر كما علقت العزيزة بلوستون بقولها بعدم المساواه بين المسيحيين و الكفار و الزنادقة بالرغم من عدم إيمانى بالكفر المطلق و الزندقة إلا إنى أتفق معها فى هذا
فأين ذهبت آية (فلا خوفٍ عليهم و لا هم يحزنون) أعتذر لعدم كتابة السورة و رقم الآية
لأن كل النسخ التى أملكها من القرآن غير قابلة للبحث يقول البعض بأن هذه الآية قد تم نسخها و قد حاولت الإطلاع على عدة كتب لفهم
نقطة الناسخ و المنسوخ ولكن للأسف جميع الكتب المهتمة بهذا الموضوع ذات
إسلوب شديد التعقيد فلم أتمكن من فهمها بعد ثم جائنى تعليق أنا (يحيى مجاهد) الذى أراد لفت النظر إلى إعتذار د. محمد عماره
الذى يعد كارثة بكل المقياس بالطبع أعتقد أنه على كل المسيحيين قبول هذا الإعتذار
و لكن الكارثة فى إدعاء الدكتور عماره بإقتباسه لكلام لا يدرى مضمونه و هو باحث
و عالم كبير و ليس مجرد كاتب مبتدئ كل ما يفعله هو الإقتباس من كتب الأوليين
دون مراجعة كما يتفق يحيى معى فى جهل أصحاب الأديان المختلفة بل و المذاهب
المختلفة للدين الواحد بحقيقة معتقدات الآخر كما يؤكد يحيى على جهل المسيحيين للإسلام إيضاً و يدلل على ذلك بكتابات
عزت إندراوس للأسف الموقع محجوب فى السعودية و لكنى كنت قد إتطلعت
على محتويات هذا الموقع حين كنت فى مصر و إكتفيت فقط بقراءة الفهرس لأن
المعلومات الموجودة فيه لم تكن تشكل أي أهمية سواء دينية أو ثقافية أو تاريخية
بالنسبة لى فلم أهتم بالتعمق فى محتويات الموقع و لكنى أذكر عدم تعرض
عزت إندراوس من قريب أو بعيد للمعتقدات الإسلامية كما إنه لم يقل فى أى موضع
أن المسلمون يعبدون الإلهة الأنثى مثلما فعل سيد القمنى فى كتابه رب الزمان
و أضاف المسيحيين إلى قائمة عبدة الإلهة الأنثى على إعتبار إنهم يعبدون العذراء
بإعتبارها أحد الأقانيم الثلاثة و من المعروف لأى مهتم بالمسيحية أن الأقانيم الثلاثة هى
الآب و الإبن و الروح القدس و العذراء ليست سوى بشرية و لكن مكرمة من الله فقط
و بينما يرى يحيى عبارة أحدُ كُتب د. سيد القمني التي هدَّدَهُ المتطرفون بالقتل مالم
يتوقـَّفْ عن كتابتها هى عبارة لطيفة إلا إنى أرى أن أكثر العبارات لطفاً هى
التوقيع على خطاب التهديد بإسم ليوث الإسلام
(للأسف لا يمكنى وضع وصلة لخطاب التهديد لأن (موقع إيلاف محجوب أيضاً

أما مختار العزيزى فيؤكد أن إيمانه بالإسلام يعد كفراً بالمسيحية و هو ما أوافقه
فيه و لكن إعتراضى فقط على إعتباره كفر مطلق فلقد سبق توضيحى لعدم
إيمانى بوجود كفر مطلق (ملحوظة: أنا لا أؤمن بما يسمى كفر أساساً) كما يؤكد مختار
قراءته للإنجيل و التوراه و هو ما يعد محاولة جيدة لفهم الآخر ولكنه يؤكد إكتشافه
من خلال هذه القراءة لإختلاف مفهوم الإله عنه فى الإسلام و هو ما أؤكد عكسه
فبفرض أن المسيحيون يعبدون ثلاثه (وهو عكس الصحيح حيث أن المسيحيون يرون
ثلاثة صفات أساسية لله و هذا هو ما يطلق عليه الثالوث كتسهيل لمحاولة فهم
الذات الإلهية – الله الواحد - و هو الله فى الإسلام) فما هو إذن الفرق بين الله
فى اليهودية و الإسلام فاليهود لا يقولون أن الله ثلاثة كما إنهم لا يعبدون المسيح
فما الفرق الذى يراه العزيزى من خلال قرائته للتوراة مراراً ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

هوامش

أحاول الإنتهاء من هذه التدوينة منذ أكثر من 10 أيام و لكنى لا أجد الوقت لذلك فقررت
نشرها كما هى دون مراجعة و كذلك دون وضع وصلات كافية
أملك نسخ إلكترونية من الكتب التى تم الإشارة إليها فى التدوينة التوراة – الإنجيل – القرآن – رب الزمان - المعجم المفهرس للتراكيب المتشابهة
لفظا ًفي القرآن الكريم - الناسخ و المنسوخ فى القرآن الكريم لإبن سلامه ولكنى لا أجد وقتاً لرفعها على أى سيرفر كما أن معظم مواقع المشاركة محجوبة فى السعودية لذلك على من يريد نسخة من أىٍ من هذه الكتب مراسلتى عبر البريد الإلكترونى

فتنة التكفير بين الهلال و الصليب و محمد عماره و مختار العزيزى

2007-01-22T15:25:00.001+02:00

كتبت هذه التدوينه كرد على هذه التدوينة للعزيز مختار العزيزى
عزيزى العزيزى
أتفق معك و فى نفس الوقت أختلف
أفضل ان نبدأ بنقاط الإتفاق . أتفق بحق البهائين و البوذيين و السيخ و الهندوس و الملحدين بكتابة ما يريدون فى خانة الديانه و من لا يعجبه ذلك فليطالب بحذف تلك الخانه
هنا فى السعوديه تتواجد كل تلك الديانات و بالفعل كل شخص يكتب ما يشاء فى تلك الخانه و من غير الطبيعى ان نكون اقل تفهماً لهذه النقطة من السعودية بالرغم من أن أصحاب تلك الديانات ليسوا مواطنين سعوديين إلا أن الحكومة السعودية تعطيهم الحق بكتابة ما يريدون فى تلك الخانة فى رخصة الإقامة
اتفق معك فى حق كل شخص فى إنتقاد ما لا يعجبه فى الدين الآخر و لكن بصوره مهذبه و بطريقة تسمح للطرف الآخر بالرد عليه
و بالتالى قول أن المسيحيين هم كفره و يجب قتلهم و مستباح دمهم و مالهم و هو ما جاء فى كتاب د. محمد عماره لا ينطبق عليه هذا الوصف حيث لا توجد اسانيد لقوله أو مراجع قابله للتفنيد فإذا قام شخص بنعت آخر بأنه حمار و يستاهل الدبح فأى رد متحضر يتوقع من الطرف الآخر
هيقوله لأ و النعمه انا مش حمار و لا أستاهل الدبح

" الكفر.. هو تكذيب الرسول في شيء مما جاء به والأيمان.. تصديقه في جميع ما جاء به فاليهودي والنصراني كافران لتكذيبهما للرسول والبراهمي (نسبة لبراهمة المعبود الأعلى في الثالوث الهندوكي) كافر بالطريق الأول لأنه أنكر مع رسولنا سائر المُرسلين والدهري (الوجودي المنكر للخالق) كافر لأنه أنكر مع رسولنا المرسل سائر الرسل وهذا لأن الكفر حكم شرعي كالرق والحرية مثلاً إذ معناه إباحة الدم والحكم بالخلود في النار ومدركه شرعي فيدرك إما بنص أو بقياس على منصوص وقد وردت النصوص عند اليهود والنصارى والتحق بهم بالطريق الأول البراهمة والثنوية والزنادقة والدهرية فأنهم مُكذبون للرسول وكل مُكذب فهو كافر فهذه هي العلامة المطردة المنعكسة والأصل المقطوع به أن كل من كذب محمد فهو كافر أي مُخلد في النار بعد الموت ومُستباح الدم والمال في الحياة

الملون بالأحمر هو نص الكلام الوارد فى كتاب فتنة التكفير للدكتور عماره

النقد و المناظرات علامة نقاش متحضرة اما رمى الناس بالكفر و وجوب قتلهم هى آراء شخصية لا مانع من الإعتقاد بها و لكن لا يتم توزيعها على المواطنين فى كتب شبه مجانية

أختلف معك فى نقطه هامه
أصبت بالفزع عند رؤية كم التكفير فى التدوينة و التعليقات فالكفر ليس تهمة تلقى جزافاً على الناس و لكن يجب أن يكون هناك أسانيد لذلك و بالنسبة لنقطة رؤية المسيحيين للمسلمين على إنهم كفرة هذا غير صحيح فالمسيحيين يعتبرون المسلمين يعبدون نفس الإله و لكن بإسلوب مختلف و خاصة المسيحيون المتواجدون فى الوطن العربى
ولكن المشكله هى معرفة المسيحيون بالإسلام بينما لا يعرف أياً من المسلمين أى شىء عن المسيحية حتى المثقفين و المستنيرين من المسلمين و أعطى لهذا كمثال سيد القمنى فى كتاب رب الزمان كل المعلومات التى و ضعها عن المسيحية هى معلومات مغلوطة و عديمة الدقة و المرجع (سأوضح موقفى من القمنى فى تدوينة مستقلة حيث إنه ليس موضوعنا الآن) وبالتالى أصبح المسلمون ينعتون الأقباط بصفات ليست حقيقية بل هى من واقع خيالهم غير معتمدين فى ذلك على مرجع
فتارة ينعتونهم بعبادة الصليب وأخرى عبادة المسيح من دون الله وتارة ثالثة بعبادة ثلاث أو أن الله ثالث ثلاث (أخذت كل تلك الصفات من التعليقات على تدوينة العزيزى) فى حين إن أىٍ من هذه الصفات ليس صحيحاً و لكنها جل ما يعرفه المسلمين عن المسيحية و ليس مجالنا الآن شرح تلك النقاط و توضيحها فأنا لا أدافع هنا عن المسيحية و لا أهاجم الإسلام فقط أنا أكره كلمة الكفار و أود أن ألفت نظر خيرة شباب الوطن العربى من المثقفين لوجود هذه الهوة فى ثقافتهم تجاه معرفة حقيقة معتقدات الآخر خاصة الآخر المقيم معك فى نفس الوطن و زميلك فى المدرسة و الجامعة و العمل و جارك و و و و
ليس من المعقول أنه بمجرد أن يدير لك ظهره أن تنعته بالكفر و تستبيح دمه و ماله
و أخيراً أحب أن أوجه التحية إلى مختار العزيزى على إستنارته و أرجو أن أكون قد وجهت نظره مع كل مستنيرى و مثقفى الوطن لضرورة ملأ هذه الهوة الثقافية

العيد القومى الأول للمدونة

2007-01-20T16:11:00.000+02:00

كما أشرت فى التدوينة السابقة بجعل يوم 19 يناير العيد القومى للمدونة و بناء على طلب كراكيب اللى كان طالب تورته على فكرة

أحب أقدمله أوبن بوفيه تورته

و يا ريت اى حد عنده طلبات تانيه يقول

دا عيد يا جماعه

و بالهنا و الشفا

و أتمنى إن الصور تكون باينه لأنها طبعاً محجوبه فى السعوديه

أهلاً برامى و علاء

2007-01-20T12:07:00.000+02:00

قرار إدارى رقم
(1)
جعل يوم 19 يناير من كل عام هو العيد القومى للمدونه
ففى يوم 19 يناير 2007 دخل إلى المدونه كل من
علاء
و
رامى
و بما إن الإثنين يعتبرا من أشهر و أقدم المدونين المصريين قررت الإحتفال بهذا اليوم و جعله العيد القومى للمدونه
و دى مش جندله يعنى بس أنا حتى من قبل ما أبدأ التدوين وأنا من هواة القراءة لهما
شرفنى علاء بالتعليق على آخر تدويناتى
وقام بتوضيح الحقيقة و إن كانت مخالفة لما نشرت فوجب على التوضيح و قررت نشر تعليقه كاملا بشواهده (و أخطاءه الإملائيه) دون حذف أو إضافة

Alaa said...
فيه رقابة على الانترنت في مصر بس و موثقة فيه تقرير الشبكة العربية لمعلومات حقوق الانسانhttp://www.openarab.net/reports/net2006/
لكن تقدر تقول أن حدتها قليلة جدا بحيث يمكن تجاهلهاسرد ويكيبيديا أقصر بس أدقhttp://en.wikipedia.org/wiki/Internet_censorshipراجع ويكيبيديا، قائمة البلاد اللي بتمارس الرقابة فيها بلاد بتقفل مواقع متعارضة مع قوانين غير قوانين النشر (بالتالي لفظة رقابة هنا خادعة، الوب بتستخدم في حاجات كثير غير النشر)و في القائمة برضه بلاد في طريقها لتنفيذ بنية تسمح بالرقابة لكن لسه (منهم انجلترا) مطبقتش ده.كمان آلية الرقابة بتختلف، مثلا في فرنسا بتمنع مواقع أكثر من مصر لكن في فرنسا المنع لازم يكون عن طريق حكم قضائي في محكمة محلية و يمكن استئنافه و كل الكلام ده، في مصر المحجب بيحصل من غير أي اجرائات معلنة و بدون الاستناد لقوانين واضحةو طبعا فيه تغييرات كثير الحكومات بتحاول تعملها بحجة الحرب على الارهاب يعني يمكن السنة الجاية الكلام يختلف تماما.

أما بالنسبه لرامى صاحب مدونة لنتعد الطبيعى
فقد كان تعليقه على التدوينه السابقه و الخاصة بعدم ظهور البروفايل الخاص به للمستخدمين من داخل المملكة العربية السعودية

R said...
إيه ده؟؟ طيب والمدونة نفسها باينة؟وفي هذه الحالة هل الصورة باينة في المدونة؟يمكن السعودية قافلة أي موقع يبدأ بـ
www2

فى الحقيقة يا رامى المدونه كانت باينه بس الصور و البروفايل و التعليقات كانت محجوبه ودا بالنسبة لكل اللى عمل

update to BETA

و النهارده بس فوجئت بإن البروفايلات و التعليقات رجعت تفتح تانى لكن الصور و الملفات المرفقة بالتدوينات هى اللى مازالت محجوبة

وشك حلو يا دكتور

خلى الشعب يعيش

2007-01-18T10:53:00.000+02:00

بصراحه حسيت بالفخر النهارده لما شفت الدول اللى بتمارس الرقابه على الإنترنت و بتمنع الناس من الدخول على مواقع معينه و كان بينها أمريكا و بريطانيا و فرنسا و طبعاً فى المركز الأول و بنجاح منقطع النظير و معمول عليها دراسات و إحصائيات السعوديه

أنا إستغربت لوجود الدول ديه و بالرغم من كده ملاقيتش أى وجود لمصر الظاهر إنها بتطبق المقوله الشهيره

خلى الشعب يعيش

بذمتكم مش حاجه تشرف

كفايه حريه

2007-01-15T16:41:00.000+02:00

انا مش عارف ايه علاقة العنوان باللى هاكتبه دلوقتى لأنى بصراحه لسه مش عارف أنا هاكتب ايه بالظبط

من ساعة ما وصلت السعوديه من حوالى شهرين و نص و انا كل ماجى افتح موقع من اللى كنت متعود افتحهم فى مصر ألاقى الرساله دى قدامى

الوصول الى هذه الصفحه غير مسموح به

Accsess to the requested URL is not allowed

الرساله دى بلاقيها فى حوالى 75% من المواقع اللى كنت بادخل عليها و بصراحة انا قلت يمكن الحاجات دى فى عرف البلد هنا أبيحه و لا حاجه فرضيت بالأمر الواقع و اتكتمت لغاية ما جيت ادخل على البروفايل بتاع ر صاحب مدونة لنتعدى الطبيعى فوجئت بظهور نفس الرساله طب يا ريت يا جماعه اي حد شاف البروفايل ده يقوللى ايه نوع الأباحه اللى ممكن تكون موجوده فيه لأنى فاكر إنى آخر مره شوفته ماكنش فيه حاجه

آه صحيح النهارده شفت وش واحده بعد إنقطاع دام 8 أيام منهم تلات ايام ماشفتش فيهم حتى واحده منقبه مش عارف

الناس دى عايشه إزاى؟؟

مين اللى بيقول إن مافيش حريه فى مصر دا إحنا بالنسبه لهم قمة الصياعه

قزقزة المصريين بـ 220 مليون جنيه سنوياً

2007-01-14T15:50:00.000+02:00

قزقزة المصريين بـ 220 مليون جنيه سنوياً
يابلاش

ديفيد بيكهام

2007-01-14T14:48:00.000+02:00

إنتقال ديفيد بيكهام من ريال مدريد إلى لوس انجلوس جلاكسى بمبلغ يزيد

عن 250 مليون دولار
يعنى حوالى 1.5 مليار جنيه
والله ما أر دا حسد بس
هو مش مبلغ زى ده ممكن يحل كل مشاكل الشباب فى مصر؟

ع الماشي

2007-01-13T15:38:00.000+02:00

متي تتوقف الحكومة الحالية عن محاولاتها المستميتة، لاستقطاب وإغراء خبرائها في »طبخ« القوانين و»سلقها«، بالمادة ورفيع المناصب العليا، استعدادا للتعديلات الدستورية المرتقبة، حتي لا يردد الحريصون علي مستقبل مصر وسمعتها، أن التعديل الوزاري المرتقب، سيضم بين أعضائه منصبين جديدين: وزير دولة لشئون »تفصيل« القوانين، وزميلاً له سفرجي متمرساً.. لحسن عرضها

عبدالنبي عبدالباري

سيبت حبيبى تلات تيام

2007-01-13T09:12:00.000+02:00

سيبت حبيبى تلات تيام
أنا بتقل مش قصدى خصام
صدق هو و راح مخاصمنى
قاللى اليوم بعشر تيام

حين تبدأ سومه فى غناء تلك الأغنية تتوقف الحياه عندى مهما كان ما أفعله حتى و إن كنت فى العمل فإنى أتوقف فقط لتأمل الكلمات

إنضمت سومه مؤخراً إلى قائمة المطربات المقضلات عندى

الكلمات من أغنية 3 أيام لسومه

مبروك

2007-01-10T11:05:00.000+02:00

هو: هما هيرجعوا النهارده -

أنا: أيوه يا عم ... عارف أخبارها كلها إنت -
هو: إيه إللى بتقوله ده .... ما كل الناس عارفين -
أنا: يا راجل؟؟ يبقى أنا إللى مش واخد بالى -

.........:هو -
أنا: على العموم يرجعوا بالسلامه -
هو: و لا مايرجعوش -

!!!!! أنا: يا راجل -
كان عايز يعملهم عليا ...... على فكره... إتخطبوا بعد كده بشهرين...... مش عارف إيه حكاية دارى على شمعتك إللى الشعب كله ماشى عليها دى؟ ما كان يقول من الأول هو أنا هابص له فى اللقمه
هاهاهاهااى لوك هوز سبيكنج؟ ما تقول لنفسك ..هو إمتى كان فى حاجة بينك و بين واحده و قلت لحد؟
على العموم ألف مبروووووووك

إعدام الإله

2007-01-09T07:45:00.000+02:00

لا أدري ما الذى جعلنى أشعر بأن صدام حسين ليس من البشر مثلنا ربما لما عرفناه عنه من قسوة و ظلم و عنف و هى أشياء تتطلب موت الإحساس الذى يميز البشر عن سائر الكائنات و لكن الغريب إننى شعرت أنه من الآلهة فهل بالفعل الآلهه تحيا فى معزل عن البشر و لا تهتم بما يحدث لهم فى الحياة و تترك حياة البشر لتتدمر بناءاً على قراراتهم و رغباتهم هذا ما تحكيه الأساطير الإغريقيه
لقد تقرر أن يكون يوم 30 ديسمبر 2006 هو اليوم المشهود يوم الإحتفال بإنتصار البشر على الإله يوم إعدام الإله

تم إعدام صدام حسين فى أول أيام عيد الأضحى و ليصبح اليوم أكثر تمييزاً تقرر تأجيل إعدام كلاً من برزان التكريتى و عواد البندر حتى لا تختلط البشر بالآلهه
و كما تتباين آراء البشر فى الآلهه كذاك تباينت ردود الأفعال فى العراق و خارجها
سكان مدينة الصدر يحتفلون
أهالى العوجة غاضبون

بوش: إعدام صدام مرحلة مهمة على طريق إحلال الديمقراطية
روسيا تأسف لإعدام صدام
بريطانيا: رفض حكم الإعدام من الأساس

ليبيا تعلن الحداد لمددة 3 أيام
حماس: إعدام صدام إغتيال سياسي
الفاتيكان إعدام صدام خبر مفجع

هيثم رشيد: يعمل فى المكتب الخاص لصدام و مهمته تنظيم الحياة اليومية للإله يحكى أن الرئيس السابق كان أحيانا يتحول إلى مجرد فلاح بسيط و كان معتاد على لعب الشطرنج مع طباخه الخاص و كان يتحدث مع البستانيين حول زرع الورود و فى أحد المرات قال له أحد البستانيين أنه لا يفهم فى الزراعه فأخذ الرئيس فى الضحك
بينما فى أحد إجتماعات مجلس الوزراء أخرج مسدسه و وضع فوهته فى رأس وزير الصحة و قتله لأنه إقترح إقتراح لا يعجبه(هيثم رشيد فى حوار لقناة الحرة) !!!!!!!!

هابى نيو يير

2007-01-08T08:10:00.000+02:00

لأول مرة أقضى رأس السنة خارج مصر و بما أنى فى السعودية فبالطبع لم أجد ما أفعله فى هذا اليوم سوى التجمع مع مجموعة من العائلات المصرية و بالطبع بدون بيرة ولا خمور على رأي أبو هاشم * وكل ما فعلناه كان هو التقرب من الرب فى نهاية عام و بداية عام جديد ومن ضمن ما فعلناه كان القيام بعمل مسرحية صغيرة و قد قمت بالتمثيل فيها كما هى عادتى فلا أستطيع مقاومة أى فن مسرحى حتى و إن كان لا يوجد مسرح أساساً فلقد فكرت بعد تخرجى من كلية الهندسة الإلتحاق بمعهد الفنون المسرحية و لكنى لم أتمكن من إتمام تنفيذ الفكرة بالتأكيد كان هذا من العناية الإلهية علشان أبويا ما يجرالوش حاجه هو ناقص حكاية المسرح دى كمان و بالإشتراك فى هذه المسرحية زادت شعبيتى بين تلك العائلات و أصبحت بعد مرور شهر و نصف فقط من وجودى فى الرياض ذو شعبية كبيرة بين العائلات المصرية
هابى نيو يير* أبو هاشم : كافيتيريا فى الإسكندرية على البحر أول شارع خالد ابن الوليد ما بتفتحش غير 3 شهور الصيف فقط

الأرضُ كرويةٌ تلِفُ حولَ نفسِهاَ

2007-01-06T08:25:00.000+02:00

بعد غياب طويل عن عالم المدونات و الإنشغال الشديد فى الحياه العملية و حدوث الكثير من المتغيرات التى يصعب حدوثها فى عام واحد. قررت الشركة التى أعمل بها بدأ تصدير منتجاتها و تم إختيارى لأكون مسئولاً عن التصدير و بدأت التحضير للمشاركة فى المعارض الدولية و بالفعل لأول مرة أخرج فيها خارج حدود مصر شاركنا فى معرض ليبيا الدولى و سافرت أنا و أحد الزملاء و كان المعرض ناجحاً جداً بالنسبة لنا و عدت من ليبيا لأبدأ التحضير لمعرض آخر و كان هذه المرة فى الجزائر و ذهبنا إلى الجزائر لم ننجح فى هذا المعرض و لكن أعجبتنى الحياه فى الجزائر فالناس قمة فى الرقة و اللطف و البنات فى قمة الجمال لا أتخيل أن يكون هناك جمال أكثر من هذا و يقلدن فى إسلوب حياتهن الفرنسيات فى طريقة اللبس و الأكل و الكلام و الحياه و البساطة فى التعامل أعتقد أنى سأفرد تدوينة على الأقل للحديث عن بنات الجزائر و بعد العودة من الجزائر بدأت بالتحضير لمعرضين آخرين فى الأردن و السودان لم يمهلنى القدر لحضور هذين المعرضين إذ فوجئت فى أحد الأيام بمكالمة هاتفية أعتقد إنى سأفرد لها تدوينة هى الأخرى بخصوص موعد مع مدير أحد الشركات السعودية و فجأه وجدت نفسى موظف فى تلك الشركة و تركت مصر لفترة طويلة جداً هذه المرة و الآن أصبحت مقيم فى السعودية!!!!!!!!!

من وحى المسرح

2006-03-26T15:04:00.000+02:00

إنشغلت فى الفترة السابقة ببعض الأنشطة المسرحية التى إبتلعت كل ما تبقى لى من وقت فراغ فتوقفت عن الكتابة فى مدونتى على أمل أن أعود إليها بعد أن أقرغ من هذا النشاط و الذى لم يتجاوز إسبوعاً واحداً ولكنى فوجئت بذلك الوحش الضخم يتضخم و يتضخم ليبتلع كل ما أملكه من الوقت ذلك الوحش هو العمل الذى صار يملأ كل وقتى على غير رضاً منى بالطبع و أوحى لى المسرح بكتابة ذلك المشهد

يفتح الستار

الأضواء مازالت مظلمة و فجأة يضىء سبوت على وجه الزعيم و تزداد الإضاءة تدريجياً حتى تظهر باقى التفاصيل

الزعيم يجلس على العرش و يقف بجواره زكى بك حافظ ذراعة اليمين

الزعيم: إلا قوللى يا حافظ إيه أخبار البلد اليومين دول

زكى: كلة تمام يا ريس و الناس كلها بتدعيلك

الزعيم ينهض من جلسته و يتحدث بصوتة الجهورى المعروف قائلاً:

و إسمه إيه ده إللى طلع التانى فى إنتخابات الزعامة عملتوا فيه إيه؟

زكى: ده فى السجن دلوقتى يا زعيم

الزعيم: الله ينور يا زكى. طب والتانى ده إللى طلع التالت عملتوا فيه إيه؟

زكى : إتشال من رياسة الحزب يا زعيم

الزعيم: عفارم عفارم إنت مبقاش يتخاف عليك يازكى

زكى: كله بتوجيهات سيادتك يافندم

طااااخ قلم على وجه زكى

الزعيم : بطل نفاق يا زكى

زكى: طب و شرفك ي......ا

طاااااااااااااااااخ قلم آخر أقوى من الأول

الزعيم: بس ماتقولش و شرفك

بلاك أوت

يسقط السلام

2006-02-13T16:32:00.000+02:00

عمرى ما إتخيلت إنه هايجى يوم و أكره السلام و أدعو للحرب
متفتكروش إنى إتجننت أو بقيت عدوانى الحكايه كلها إنى لما إتخيلت إن ضحايا السلام عددهم أكبر من ضحايا الحرب يبقى تحيا الحرب
لما الناس إللى عايشه فى سلام تموت من غير ذنب يبقى تحيا الحرب

طب تقولولى نحارب مين أقولكم أنا نفسى مش عارف نحارب مين (ولا مين ولا مين ....) اللى بين قوسين ده فى سرى طبعاً مش مهم نحارب مين المهم إن إحنا نحارب و نحارب بكل قوتنا ونموت فى الحرب عشان نلحق نفسنا قبل ما نموت من غير حرب

بالذمة مش الناس إللى ماتت فى غرق السلام 98 كان أشرف لها و أشرف لنا و أشرف لهم (طبعاً إنتم عارفين أنا أقصد مين بكلمة هم) إنهم يموتوا فى حرب وبكررها تانى تحيا الحرب و يسقط السلام

من وحى عمنا صلاح جاهين

2006-02-12T14:03:00.000+02:00

إقلع غماك يا تور وارفض تلف

اكسر تروس الساقية واشتم وتف

قال بس خطوة كمان .. وخطوة كمان ..

يا اوصل نهاية السكة يا البير يجف

عجبي!!

شكراً يا عم صلاح - معلهش أخدتها على نفسى

:-)))

ماعلينا كنت عايز أكتب رباعياتى أنا كمان بس فكرت شوية و لقيت صلاح جاهين سبقنى قلت أكتب

أحاديات: بس إيه الشعر فى كده

ثنائيات : هتبقى ضعيفة قوى

ثلاثيات : سبقنى نجيب محفوظ

رباعيات : ما قلنا سبقنى جاهين هى شغلانة

خماسيات : هى كوره

المهم قلت أبتديها رباعيات - هو أنا أطول أقلد جاهين

و آدى الرباعية الأولى

كنت بحلم إنى أفتح عكا

أو يبقالى وطن من الرباط لمكة

بس صحيت من النوم مفزوع و إكتشفت

إنى بعت حلمى بشوية فكة

وطبعاً مفيش عجبى

This must be in English

2006-02-12T08:38:00.000+02:00

Egypt Africa champions

It was a must to write this blog in English
Egypt : Africa cup of nations CHAMPION
Egypt : 1st country to win the champion
Egypt : Last country to win the champion
Egypt : 1st goal scorer in the African history
Egypt : 1st hat trick
Egypt : New record 5 times champions
Egypt : Best scorer
Egypt : Best defender
Hadary : Best Goal keeper
Ahmed Hassan : Best player
Barakat : Best player in Africa 2005 (BBC voting)
Hossam Hassan : Oldest player to score (40 year)
Hossam Hassan : 7 times participating in the cup of nations
Hossam Hassan : The only player that participated in two cups with 20 year time frame
Hossam Hassan : Carried the cup 3 times
El Jowhary : The only African that won the cup as a player and trainer

حاجة غريبة

2006-02-11T14:27:00.000+02:00

حاجة غريبة أوى حصلت يوم الخميس إللى فات هى إللى خلتنى أبتدى أكتب. الفكرة دى كانت فى دماغى من زمان بس كل ما آجى أبتدى فيها أرجع فى كلامى مش عارف ليه
المهم ماطولش عليكم يوم الخميس و أنا راجع من الشغل و راكب الأوتوبيس (بتاع الشغل طبعاً ما هو أنا زى باقى الشباب إللى بيقولوا إنهم ما بيركبوش أوتوبيسات النقل العام –و مع ذلك الأوتوبيسات دايماً مليانه – حاجة غريبة أمال مين إللى بيركبها) ماعلينا الموقف بالظبط

نهار خارجى الساعة 5 بعد الظهر
الطريق : من برج العرب حتى سيدى بشر -الإسكندرية
البطل (إللى هو أنا طبعاً) جالس على المقعد المخصص له فى الأوتوبيس بجواره أحد الأصدقاء (إللى نايم طبعاً –ما هى السكة ساعتين و رايحيين جايين فيها كل يوم لما طلع روحنا-) و البطل مش جايله نوم قال يتسلى فى أى حاجة قام مطلع الموبايل يشوف مين إللى إتصل بيه خلال الإسبوع إللى فات و هنا حدثت الكارثة.........

إكتشفت إن ماجانيش طول الإسبوع غير تليفونين بس و الإتنين بخصوص الشغل يعنى مافيش و لا واحد صاحبى عبرنى. قلت أبص على الميسدات لاقيت إن ماجاليش غير 5 ميسد كول طول الإسبوع (ملحوظة : أنا كان ال 10 أماكن بتوع الميسد مش بيكفونى فى اليوم)
و ساعتها إفتكرت إن تليفون البيت مضربش طول الإسبوع
حاجة غريبة أمال كل صحابى بتوع زمان راحوا فين؟؟؟؟؟
ساعتها بس قررت أكتب
11/2/2006