كفايه حريه
انا مش عارف ايه علاقة العنوان باللى هاكتبه دلوقتى لأنى بصراحه لسه مش عارف أنا هاكتب ايه بالظبط
من ساعة ما وصلت السعوديه من حوالى شهرين و نص و انا كل ماجى افتح موقع من اللى كنت متعود افتحهم فى مصر ألاقى الرساله دى قدامى
الوصول الى هذه الصفحه غير مسموح به
Accsess to the requested URL is not allowed
الرساله دى بلاقيها فى حوالى 75% من المواقع اللى كنت بادخل عليها و بصراحة انا قلت يمكن الحاجات دى فى عرف البلد هنا أبيحه و لا حاجه فرضيت بالأمر الواقع و اتكتمت لغاية ما جيت ادخل على البروفايل بتاع ر صاحب مدونة لنتعدى الطبيعى فوجئت بظهور نفس الرساله طب يا ريت يا جماعه اي حد شاف البروفايل ده يقوللى ايه نوع الأباحه اللى ممكن تكون موجوده فيه لأنى فاكر إنى آخر مره شوفته ماكنش فيه حاجه
آه صحيح النهارده شفت وش واحده بعد إنقطاع دام 8 أيام منهم تلات ايام ماشفتش فيهم حتى واحده منقبه مش عارف
الناس دى عايشه إزاى؟؟
مين اللى بيقول إن مافيش حريه فى مصر دا إحنا بالنسبه لهم قمة الصياعه
posted by Searcher @ ٤:٤١ م
14 Comments:
At ٥:٣٢ م,
Dr. Ahmed Wagih said…
معاك حق والله. بس عموماً ايه رأيك في السينمات في الرياض؟
At ٦:٤٧ م,
karakib said…
البروفايل بتاع دكتور رامي فيه صورته ... و دي طبعا تعتبر صوره و الصوره فيها مبتسم و الضحك غلط أصلا ليه تضحك ... لازم تكشر ... ده غير أنه عنده حوالي 6 أو 7 مدونات و فيهم واحده صور كلها كمان ... قال فيه أيه قال ... يا راجل عيب بقي
جرب الجووجل ريدر و أنت هتظبط الدنيا يا أستاذ
At ٨:١٤ م,
Adham Khairy said…
Welcome to hell my friend :)
I escaped that shit finally and I'm still wondering why people go there at all.
At ١٢:٣٩ ص,
غير معرف said…
mr.researcher you are still new in this country wait until you know how to read the gestures and the signs and you'll be just fine may be you will get more ACTION than you got in egypt..they are humans also and they have their ways of messing around....
At ٩:٥٧ ص,
Searcher said…
نهضة مصر
شكراً على سؤالك التحسيرى (جايه من الحسره يعنى) احب اقولك ان السينمات هنا على اعلى مستوى و الإنتاج السينمائى يعتبر افضل إنتاج فى الوطن العربى بدليل اول فيلم سعودى كيف الحال
المخرج `كندي`، صاحب الفكرة `لبناني`، كاتب السيناريو `مصري`، ثلاثة أرباع الممثلين `غير سعوديين` ؟؟، التقنيون `غربيون`، مكان التصوير`دبي`، أماكن دور العرض كل الدول العربية عدا `المملكة العربية السعودية`)
http://www.alarabiya.net/Articles/2005/12/05/19215.htm
مش عارفين بأه هو إيه السعودى فيه أساساً
إرحمنا بأه يا رب
At ١٠:٠١ ص,
Searcher said…
كراكيب أو أنتوك
شكراً للتوضيح انا ماكنتش واخد بالى خالص من الموضوع ده
بالنسبه للجوجل ريدر الموضوع مافرقش فى حاجه أنا باعرف أدخل على المدونه بس البروفايل هو اللى محجوب
على فكره انا محتفظ بالمدونه بتاعتك فى الفافورتس عندى تمهيداً لعمل لينك لها فى المدونه بتاعتى ممكن؟
At ١٠:٠٣ ص,
Searcher said…
Adham
أكل العيش يا صاحبى هنعمل ايه
At ١٠:١٠ ص,
Searcher said…
Dear Anonymous
I know that its matter of time but for other places such as Algeria I was dating from my first day in the country until now I only knew how to get weed and I don't like it much
But having more action than Egypt I doubt
At ١٠:١٦ ص,
Searcher said…
بالنسبه لكل الناس اللى علقوا لغاية دلوقتى
نهضة مصر
كراكيب
أدهم
أحب أبشركم إن البروفايلز بتاعتكم كلكم بتدى نفس الرساله الظاهر إن كل اللى عمل
up date to Beta
البروفايل بتاعه مش هايفتح هنا
At ٩:٢٣ م,
R said…
إيه ده؟؟ طيب والمدونة نفسها باينة؟
وفي هذه الحالة هل الصورة باينة في المدونة؟
يمكن السعودية قافلة أي موقع يبدأ بـ
www2
؟؟؟؟
At ٢:٠٧ م,
Searcher said…
دكتور رامى
شكراً لردك
لقد نشرت تعليقك و الرد عليه فى الرابط التالى
http://basoom.blogspot.com/2007/01/blog-post_20.html
At ٣:٢٥ م,
karakib said…
طبعا يا فندم ممكن و ده شيء يشرفني أكيد
At ١١:١٥ ص,
Desert Rose said…
I am sorry for Commenting late, but i only saw your blog today..
You are right with regards that there is no life in such countries, and i want to say to Mr. Annonymous that people are not frustrated because they don't "mess around", but life itself as a whole has no flavour, no aim, not anything in such countries..
At ١٢:٣٧ م,
Searcher said…
العزيزة
Desert Rose
إنتِ تشرفى فى أى وقت بس المشكلة مش فى إن الناس عندها إكتئاب المشكلة الأكبر إن الناس مش عاجبها و حتى مش قادرة تتكلم بدليل اللى بيعملوه لما ييجوا مصر اللى بالنسبالهم واحة الحرية
نورتينى يافندم
إرسال تعليق
<< Home