خلى الشعب يعيش
بصراحه حسيت بالفخر النهارده لما شفت الدول اللى بتمارس الرقابه على الإنترنت و بتمنع الناس من الدخول على مواقع معينه و كان بينها أمريكا و بريطانيا و فرنسا و طبعاً فى المركز الأول و بنجاح منقطع النظير و معمول عليها دراسات و إحصائيات السعوديه
أنا إستغربت لوجود الدول ديه و بالرغم من كده ملاقيتش أى وجود لمصر الظاهر إنها بتطبق المقوله الشهيره
خلى الشعب يعيش
بذمتكم مش حاجه تشرف
posted by Searcher @ ١٠:٥٣ ص
2 Comments:
At ١:٤٤ م,
غير معرف said…
فيه رقابة على الانترنت في مصر بس و موثقة فيه تقرير الشبكة العربية لمعلومات حقوق الانسان
http://www.openarab.net/reports/net2006/
لكن تقدر تقول أن حدتها قليلة جدا بحيث يمكن تجاهلها
سرد ويكيبيديا أقصر بس أدق
http://en.wikipedia.org/wiki/Internet_censorship
راجع ويكيبيديا، قائمة البلاد اللي بتمارس الرقابة فيها بلاد بتقفل مواقع متعارضة مع قوانين غير قوانين النشر (بالتالي لفظة رقابة هنا خادعة، الوب بتستخدم في حاجات كثير غير النشر)
و في القائمة برضه بلاد في طريقها لتنفيذ بنية تسمح بالرقابة لكن لسه (منهم انجلترا) مطبقتش ده.
كمان آلية الرقابة بتختلف، مثلا في فرنسا بتمنع مواقع أكثر من مصر لكن في فرنسا المنع لازم يكون عن طريق حكم قضائي في محكمة محلية و يمكن استئنافه و كل الكلام ده، في مصر المحجب بيحصل من غير أي اجرائات معلنة و بدون الاستناد لقوانين واضحة
و طبعا فيه تغييرات كثير الحكومات بتحاول تعملها بحجة الحرب على الارهاب يعني يمكن السنة الجاية الكلام يختلف تماما.
At ٢:٠٥ م,
Searcher said…
علاء
أشكر مرورك الكريم و تعليقك و قد قمت بنشر تعليقك كاملاً
http://basoom.blogspot.com/2007/01/blog-post_20.html
و شكراً لإهتمامك
إرسال تعليق
<< Home