نظرية الإحتمالات
نظرية
1
بما أن : إنتِ فاضلِك كام يوم و تييجى و يمكن أشوفِك كل يوم
إذن : إحتمال ماحلمش بيكى تانى اليومين اللى جايين
نظرية
2
بما أن : إنتِ جيتيلى فى الحلم يوم ماشُفتها
إذن : إحتمال تكونى حاسه باللى أنا حاسس بيه
نظرية
3
بما أن : أنا حسيت بالغيرة لما جاب سيرتك
إذن : إحتمال أكون بحبك بجد
بما إن الحياة كلها إحتمالات يبقى لازم نعيشها بكل إحتمالاتها
1
بما أن : إنتِ فاضلِك كام يوم و تييجى و يمكن أشوفِك كل يوم
إذن : إحتمال ماحلمش بيكى تانى اليومين اللى جايين
نظرية
2
بما أن : إنتِ جيتيلى فى الحلم يوم ماشُفتها
إذن : إحتمال تكونى حاسه باللى أنا حاسس بيه
نظرية
3
بما أن : أنا حسيت بالغيرة لما جاب سيرتك
إذن : إحتمال أكون بحبك بجد
بما إن الحياة كلها إحتمالات يبقى لازم نعيشها بكل إحتمالاتها
التسميات: إحتمالات
posted by Searcher @ ٤:٥٧ م
16 Comments:
At ١١:٥١ ص,
غير معرف said…
احتمالات جامدة بجد ... تفتكر يكون حد بيفكر بنفس طريقة الأحتمالات ده فعلا.... صدقنى لو فيه ... كان كل واحد بيحب واحدة و سكوته ده حيجننها أكيد كان حس على دمه و عرف بجد انه بيحبها و مفيش داعى انه يتعبها معاه و يخليها تفضل تفكر يا ترى هوا بيحبنى و لا لأ .... تبقى كل تصرفاته بتدل على كده و هوا مايكنش قال كلمة واحده ؟ لو كل واحد فكر بالنظرية ده أكيد نسبة الألم فى الحب تقل قوى
At ٨:٤١ ص,
Searcher said…
jenefier
نورتينى
على فكره هو إحتمال نسبة الألم تقل و إحتمال برضه تزيد ماهو الحب من غير كلام ماينفعش و ماينفعش نقضيها إحتمالات على طول الإحتمالات دى مجرد نظريه بنحطها و بعدين نتأكد إذا كانت سليمه و لا لأ
سيبيك إنتِ المهم إنك نورتينى و خلاص دى بأه اللى مافيهاش إحتمالات
:)
At ١٠:١١ م,
غير معرف said…
thanks searcher soooooooooooooooooo much for ur kind reply begad thanks so much...it mean alot to me.
على أى حال مرسى برضه على الأحتمالات ...بس برضه انا شايفة ان المشكلة لسه قايمة و موجودة ...احيانا بيكون ايا من الطرفين حاسس بحاجة ...المشكلة انه مصمم انه بيقولشى أى حاجة....تفتكر انه احتمال انه استهبال منه مثلا ...و لا احتمال انه مش عايز يقول ... صراحة المؤلم جدا انه يكون مش واخد باله...
anyway searcher...thanks for ur reply
At ٨:٢٦ ص,
Searcher said…
You are always welcome jenefier
هو فى العاده الواحد لما بيحب مابيتكلمش عشان سبب واحد إنه بيكون فى علاقة صداقة جميلة جداً مع البنت اللى بيحبها و بيخاف يقولها إنه بيحبها أحسن يكون حب من طرف واحد و يخسر العلاقة الجميلة دى كمان لكن مايمنعش إنه يكون بيلمح و مستنى أى
sign
من الطرف التانى
وكمان التلات إحتمالت اللى إنتِ قايلهم منطقيين برضه بس فى حالات معينه
المره دى مش هاقولك نورتينى بس هقولك شرفتينى بقى
:)
At ١٢:١٥ م,
غير معرف said…
مرسى جدا على التحية الجميلة ده ...
بص يا سيدى ...الأحتمال الأولانى ممكن يكون صح فى انه مش عايز يخسرها ... لكن على أى حال أكيد مش هيا اللى حتبدأ الأول مهما كانت هيا بتفكر فيه تأكد انها عمرها ما حتبدأ الأول... و أوقات كتير هيا كمان
sign بتبقى مستنية منه
و مش قادرة تعمل اى رد فعل الا لما تشوف منه ال
sign ده
تصور ممكن يكون فى مشكلة فعلا ان و لا واحد فيهم اتكلم اصلا ...
و ان هيا كمان مش عايزة تخسره كصديق
بس صدقنى فى أوقات كتير هيا بتديلة أكتر من علامة و هوا و لا هوا هنا .... ده بقة مشكلة تانيه
عامة يا سيدى مرسى على ذوقك و ردك علية ...بجد " سيرشر " أتمنى انه مفيش حد يعيش نظرية الأحتمالات ده ::)
At ٨:٤٨ ص,
Searcher said…
Jenefier
هو الموضوع شخصى ولا إيه؟
;)
أنا هقولك على سر بس إوعدينى إنك ماتستخدميهوش إلا عند الضروره القصوى
بصى يا ستى لو أى بنت قالت لأى ولد إنها بتحبه أو معجبه بحاجه معينه فيه زى طريقة لبسه أو طريقة تفكيره مثلاً هتلاقيه هو من نفسه و من غير ما يحس إبتدى يحبها بس بشرط إنه مايكونش مرتبط (إرتباط جامد يعنى ) ببنت تانيه لو الإرتباط ده خفيف مش مشكله الخطه دى هتنفع برضه
ملحوظه: نرجو عدم إساءة إستخدام الخطه
:)
تحياتى
At ١٠:٤٤ ص,
غير معرف said…
hallo Searcher
مش عارفة اوصف لك ازاى انا كنت بضحك جدا لما قريت الكومنت بتاعك ...شكرا على الكومنت ده...:)
لا عم الموضوع مش شخصى ولاحاجة و الله ...كل الحكاية ان الحكايات اللى من النوع ده اتكررت قدامى مش أكتر ...
عامه شكرا جدا على الخطة ده بجد كويسة و صدقنى لو حصل حاجة زى كده معايا ده من أول الخطط اللى حتكون فى دماغى...شكرا جدا
بعدين تعالى هنا ... بدل ما تسأل هوا الموضوع شخصى و لا لأ... انا اللى حسألك هوا الخطة ده حد جاربها عليك و لا ايه؟؟؟ :) :) :)
At ١٠:٤٥ ص,
غير معرف said…
mabrouk for the new 2 posts
At ٤:٥٦ م,
Searcher said…
هو اللى بنعمله فى الناس هيطلع علينا ولا إيه
هو السؤال ده إجبارى؟
على العموم أنا برضه الخطه دى إتكررت قدامى
;)
و بصى بقى أنا هقولك على خطه تانيه مفعولها أشد من الأولى
أصل أنا لما كنت فى مصر كنت المستشار بتاع الحاجات دى
ولا أقولك أنا هنزل الخطط دى فى بوست لوحدها بس لما ألاقى وقت أكتبها
إيه رأيك؟
At ٩:٥٢ م,
غير معرف said…
oooooooooooooooook
لو كل الخطط فى بوست بجد يا " سيرشر" حتكون جميلة جدا و انا أول واحدة حاعمل لك كومنت ...
بس انت قوللى على الخطة اللى أشد من الأولانية هيا ايه ؟؟؟
لأن انا كمان هنا فى مصر تقريبا ماسكه نفس الوظيفة بتاعتك... وبالرغم ان فى مواقف اثبتت فشلها الا ان كل أصحابى لسه مصممين يسألونى ...صراحة معرفش لييه...
بس لازم حضرتك تعرف ان اجابتك على السؤال ده من ورا قلبك .... ماشى يا سيدى انا حاعمل نفسى مصداقها و ان الحاجات ده حصلت قدامك مش معاك :)
و المرة الجاية حبقى اكتب ان السؤال ده اجبارى علشان تجاوب عليه:)
تحياتى لييك
At ٩:١٢ ص,
Searcher said…
ما أنا قلت إنى مبجاوبش غير على الأسئله الإختيارى إنت مش فاكره ولا إيه؟؟ على العموم الخطه التانيه مفيهاش أى مجهود من البنت هى بس محتاجه يكون لها واحده صحبتها سوسه و بس
و بعدين متستعجليش الخطط كلها هتتقال بس واحده واحده
At ١٢:٤٥ م,
غير معرف said…
حمد اله على السلامه ايه الغيبه ده كلها !!!!
انا حاصحح صيغة السؤال و أقولك ان السؤال ده اختياري رغم انى حاسة انك مش حتجاوب عليه
ايا كان انا مستنية البوست ه
good luck
At ٨:٤٣ ص,
Searcher said…
الله ما أنا جاوبت خلاص
;)
لو الإجابة مش عجباكى قوليلى إنتِ عايزانى أقول إيه و أنا أقول على طول
:)
At ٧:١٥ م,
غير معرف said…
please harry up in your post cause there is as situation in my hand right now i have to solve it quickly pleeeeeeeeeeeeeeeeeeeeeease :)
good luck
At ٨:٢٨ ص,
Searcher said…
May be if you told me the situation you have, it would inspire me to finalize the post
:)
Have a beautiful day
At ٥:٤٩ م,
غير معرف said…
noooooooooooo way
ده سر المهنة ....احنا حنقطع على بعض و لا ايييييية :):)
good luck
& God with u
إرسال تعليق
<< Home